Burela, 30 de xullo de 2020. A Xunta de Galicia apoia o lanzamento da nova aplicación móbil Turisgalicia a través da que se dan a coñecer os principais atractivos turísticos da Mariña, á vez que serve como guía sobre a oferta de lecer da comarca.
O Goberno galego quixo formar parte desta iniciativa cunha achega inicial de 5000 euros a través da Axencia Galega da Calidade Alimentaria (Agacal) e da secretaría xeral de Política Lingüística pois, precisamente a nova app será un escaparate virtual sobre a riqueza gastronómica da comarca e incluirá unha versión en galego con toda a información dispoñible.
A xefa territorial da Consellería de Cultura e Turismo, María José Gómez, participou na presentación en Burela desta app coa que cun só click accédese aos lugares máis impresionantes e descoñecidos da Mariña lucense, repartidos ao longo e ancho de todas as localidades que compoñen esta zona, así como aos mellores aloxamentos, restaurantes, tendas e servizos de todo tipo. Incorpora ademais toda a información sobre o Camiño Norte de Santiago ou os lugares aos que acudir se viaxas con mascota.
A información contida na nova app, que xa está dispoñible para a descarga gratuíta nas distintas plataformas móbiles, inclúe toda a información organizada por categorías o que tamén facilita a planificación da viaxe: lugares de interese (acompañados de multitude de fotografías), gastronomía: aloxamentos, praias e portos deportivos, festas e festivais, copas/noite, camiño de Santiago, compras (incluído a localización de farmacias), oferta de turismo activo e, incluso unha sección pet friendly por se viaxas con mascota.
Ademais, esta nova aplicación permite coñecer de antemán a localización e información dos recursos e servizos turísticos da Mariña, e a través da funcionalidade “Preto de min” permite que o usuario poida ver sobre a pantalla do seu móbil os recursos dos arredores.
Outra das novidades desta nova aplicación móbil é a conexión ás principais aplicacións de mapas, deste xeito o usuario non só atopará os recursos, senón que os poderá xeorreferenciar, visualizando tamén as estradas, os edificios e outros elementos destacados, para chegar ata estes.
Novas tecnoloxías
Segundo a Xunta o apoio á creación de novas aplicacións móbiles constitúe unha mostra máis da aposta do Goberno galego pola innovación e polo emprego das novas tecnoloxías nos procesos de articulación, promoción, comercialización e xestión do sector turístico.
“Innovar en turismo tradúcese en maior número de turistas, maior número de ingresos e maior crecemento económico, e por iso esta aplicación converterase noutra ferramenta máis para impulsar este sector tan vivo e contribuír a necesaria reactivación turística da comarca” conclúen.
Plan de reactivación tras a repunta da covid19
Pero a colaboración da Xunta no ámbito do impulso da promoción da Mariña lucense non se limita ao apoio desta app e, de feito, tal e como avanzou o conselleiro de Cultura e Turismo, Román Rodríguez nas pasadas datas, o Goberno galego traballa nun plan máis amplo e ambicioso con medidas específicas de impulso.
Tras manter múltiples reunións e contactos coa Asociación de Empresarios de Hostalería de Lugo e cun grupo de profesionais da comarca do sector da hostalería e do comercio, a Xunta avanzou que traballa como mínimo noutros frontes.
“Así por exemplo, duplicaremos o apoio económico ao xeodestino para desenvolver produtos que reforcen a súa imaxe como destino seguro, estamos a ultimar xunto coa organización do Resurrection Fest novas iniciativas conxuntas a curto prazo que dinamicen o consumo e, finalmente proporemos ao Estado que A Mariña lucense conten cun Plan de Sustentabilidade Turística en destino, que cofinancia a autonomía”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
