NOTA DE PRENSA:
O PP de Burela: “a Xunta potenciará o programa de detección precoz de cancro de mama”.
Asegura que se creará unha unidade específica no Hospital con sistema dixital.
“O BNG non quere que o Hospital conte con servicios”, aseguran os populares.
O PP de Burela asegurou hoxe nunha rolda de prensa que “a Xunta non vai desmantelar ningún servicio de detección precoz de cancro de mama; todo o contrario, vai potencialo, xa que creará unha unidade específica de vixiancia e detección precoz do cancro de mama en varios hospitais galegos, entre eles o de Burela”. O obxectivo que move á Consellería de Sanidade é potenciar e mellorar a participación neste programa de loita contra esta grave enfermidade que afecta a un bo número de mulleres galegas.
O novo servicio permitirá a incorporación de nova tecnoloxía, xa que os actuais mamógrafos analóxicos serán substituidos por outros de tecnoloxía dixital. Ademais, a nova tecnoloxía permitirá que médico especialista acceda ás probas diagnósticas en tempo real, o que levará unha diminución da repetición inxustificada das mamografías.
A creación deste novo servicio estable de prevención de cancro de mama no Hospital da Costa traerá outras vantaxes, xa que as actuais unidades móviles, que xa están obsoletas, implican diversas dificultades, xa que non serven para mamas densas, non posúen sala de espera, e presentan tamén problemas de accesibidade para mulleres con problemas de movilidade.
O investimento de implantación de mamógrafos dixitais suporá un investimento, en toda Galicia, de máis de un millón de euros.
Por todo esto, está claro que o BNG non quere que a sanidade avance en Galicia. A moción que o BNG vén de presentar en Burela supón, ademais da repetición de argumentario do Bloque por parte de Nieves Cando e un exercicio de demagoxia próximo á grosería ó decir que ó PP non lle interesan as mulleres, que ó Bloque non lle interesa que haxa máis servicios no Hospital de Burela. Hoxe din unha cousa e se concentran diante do Hospital, e mañán, como é este caso, din exactamente a contraria.
Sobre de todo, segundo os populares, tendo en conta que falamos do concello de Burela. Se alguén dos concellos do interior da Mariña nos fai este plantexamento, sería hasta comprensible, pero traer unha unidade móvil a Burela para detección de cancro de mama habendo un hospital non é entendible.
E todo esto contando co respaldo do alcalde de Burela, que hai uns días pedía máis servicios para o Hospital. Pois agora que se queren poñer, resulta que o alcalde vota en contra.
Segundo os populares está claro que nin o BNG nin o PSOE queren milloras para o Hospital, e que só o usan para sacar rendabiliade política, e polo tanto non son de fiar. O PP, durante o día de onte, mantiveron dúas reunións, unha coa Asociación de Veciños O Vencello e outra cos colectivos de mulleres de Burela, para explicar o proxecto da Xunta a este respecto e recoller suxerencias ó respecto.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
