Lugo, a 3 de agosto de 2020. O Partido Popular da provincia de Lugo rexeita o acordo aprobado pola FEMP aceptando a proposta do Ministerio de Hacienda para a liberación dos remanentes e o uso do superávit dos Concellos cos únicos votos a favor do PSOE e o voto de calidade do presidente e alcalde de Vigo, Abel Caballero, ao considerar que “vulnera a autonomía que a Constitución lles outorga ás entidades locais e supoñer na práctica que o Goberno poda apropiarse dos aforros dos Concellos e Deputacións”.
Consideran dende o PP lucense que “este acordo apoiado unilateralmente polo PSOE sen contar sequera co apoio dos seus socios no Goberno é sumamente preocupante” e lamentan que “o Executivo de Pedro Sánchez chantaxee ás entidades locais” porque “a cambio de atender as súas peticións, apropiarase da totalidade dos aforros de tódolos veciños durante 10 anos para financiar a axenda do Goberno”. Os populares desbotan os argumentos dos socialistas ao asegurar que “é falso que non exista unha alternativa para que as entidades locais podan empregar os seus aforros para atender as súas necesidades máis urxentes e directas” e que tamén “é falso que este acordo evite que as entidades locais incorran en déficit”.
Os populares lucenses defenden que “o diñeiro dos veciños e veciñas que é xestionado polas entidades locais ten que reverter directamente nos propios veciños e servir para atender as súas necesidades. E máis especialmente nestes momentos nos que temos que facer fronte ás consecuencias sociais e económicas da covid-19”, puntualizan.
Dende o Partido Popular da provincia de Lugo “defendemos o papel dos concellos e das deputacións provinciais como administracións máis próximas aos veciños” e, nese sentido, “rexeitamos por completo que sexan ninguneados”. Así mesmo, aseguran que “é un despropósito deixar fóra do reparto aos concellos con menos liquidez” e propoñen aplicar criterios obxectivos.
Engaden que “tamén é moi preocupante” que “con este acordo se rompera o consenso que os representantes dos concellos e deputación de toda España viñan alcanzado nas resolucións que adopta este órgano dende fai décadas”. Por iso, dende o PP lucense reproban a actitude do presidente da FEMP e alcalde de Vigo por romper o consenso que caracteriza á institución e “traizoar aos veciños pasando por riba da vontade dos municipios e deputacións que pedían, ata fai dous días, empregar o 100% dos recursos que lles son propios sen ningún tipo de tutela”.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
