Ribadeo, 7 de agosto de 2020. A app Ribadeo cerca de ti, posta en marcha por ACISA, rexistrou 400 usuarios nos tres primeiros días de funcionamento e máis de 20.000 persoas xa a coñecen. Estes sons os datos que manexa a asociación. ACISA fai un balance moi positivo deste arranque da aplicación.
O xerente de ACISA, Jesús Pérez, contou que “estamos moi satisfeitos do recibimento que está tendo a app entre os veciños e visitantes. Xa son 400 usuarios rexistrados en tan só tres días, cunha tendencia á alza, o que nos indica que, a finais de mes, a cifra de usuarios pode ser moi importante. Ademais estamos moi contentos porque os primeiros indicadores que temos dinnos que non só se descarga senón que se está utilizando moito. As guías de socios por sectores son as funcións máis consultadas, seguidas da fidelización e das ofertas. Tamén destacan as consultas de información de interese, o que nos sinala que está funcionando moi ben tanto entre os veciños, que ata agora son quen máis a están descargando, como por parte dos visitantes que recibimos nestas datas”.
Jesús Pérez sinalou que “ademais estamos vendo que a app suscita moito interese, 20.000 persoas xa a coñecen e séguena a través de Facebook desde este luns, o que mostra que hai un público obxectivo ao que podemos chegar. Nos vindeiros días temos a intención de reforzar a promoción para que ese interese se converta en novos usuarios”.
Pola súa banda o presidente de ACISA, Francisco Iriarte, declarou que “estamos tamén moi contentos coa implicación dos asociados, as súas opinións están sendo boas e ven a app como unha ferramenta moi útil. Xa nos chegaron as primeiras ofertas exclusivas para publicar na aplicación e moitos interesáronse para facer cambios nos seus apartados. É unha app moi completa e entre as funcións que se poden atopar conta cun apartado específico creado pola aparición do Covid no que os visitantes terán o enlace da Xunta para rexistrarse nas súas chegadas a Galicia, así como a información das normas vixentes en Ribadeo. Ademais, durante un mes, todas as persoas que entren na aplicación e que se rexistren, entrarán no sorteo de dúas tablets de última xeración”.
ACISA Ribadeo lembra que para descargar esta aplicación en Android pódese buscar no PlayStore do dispositivo, lendo o código QR promocional co móbil desde o enlace web de Facebook.
O xerente de ACISA lembrou que “unha función novidosa da app é a chamada tarxeta CCA. Trátase dun sistema que substituirá ao tradicional método de tarxeta selo, moi utilizado por comercios e bares para facer promocións ou dar premios por compras. Tamén temos outro apartado moi interesante onde se pode descargar de forma inmediata o pase para visitar a praia de As Catedrais”.
A APP de ACISA Ribadeo cerca de ti xa rexistrou 400 usuarios nos tres primeiros días de funcionamento e 20.000 persoas xa a coñecen
Relacionado
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
