NOTA DE PRENSA:
O BNG AGARDA QUE O PP DENDE A XUNTA DEMOSTRE MAIS INTERESE POLO PATRIMONIO QUE O GOBERNO CERVENSE
Os nacionalistas lembran que até o momento todas os traballos de escavación foron financiados polo promotor
O goberno local presentou en xuño de 2007 un recurso contra o inventariado do Castro da Atalaia
Cervo, 11 de maio de 2010. O BNG cervense agarda que o PP na Xunta de Galiza sexa mais respectuoso co patrimonio que o demostrado polo goberno local. Os nacionalistas lembraron que até o momento descoñécense as intencións do goberno galego en relación ao Castro da Atalaia, si se vai conservar in situ, si se van ampliar as escavacións, ou como pretende solventar co propietario dos terreos privados con licenzas de construción concedidas o futuro do xacemento.
Xa non existe discusión sobre si na Atalaia hai un castro ou non, o debate está na súa recuperación, consolidación e aproveitamento como recurso cultural e turístico.
Os nacionalistas fixeron fincapé na importancia do xacemento, “avalado xa por numerosos informes arqueolóxicos”, custou moito chegar a onde estamos” sinalou o portavoz municipal nacionalista, Xoán Antón Estúa, que lembrou os tempos nos que o goberno local negaba a súa existencia; “agora ninguén nega que exista castro na Atalaia, o debate está na súa importancia como recurso cultural e turístico para o concello”. Estúa reforzou esta idea ao lembrar que foi o goberno local quen concedeu tres licenzas de construción na zona sabendo que había restos arqueolóxicos, non informou ao promotor desta circunstancia e non solicitou informes previos a Patrimonio antes da súa concesión”; a maior afondamento o nacionalista fixo mención ao recurso que o goberno local presentou en 2007 contra o inventariado do castro pola Dirección Xeral de Patrimonio.
O actual goberno galego aínda non tomou ningunha decisión sobre como se vai protexer o xacemento no futuro.
Estúa apuntou que “todas as actuacións levadas a cabo na Atalaia até o momento foron ordenadas polo anterior goberno galego”, a paralización das obras executadas polo promotor para a construción de 100 vivendas, todas as escavacións arqueolóxicas que financia o promotor, e os seus informes correspondentes; “de momento o actual goberno non fixo nada e agardamos que vaia nunha liña mais positiva que a demostrada polo goberno local que permitiu esbandallar unha parte do xacemento ao incumprir unha orde de Patrimonio”.
Os nacionalistas insisten nun acordo necesario entre promotor e administracións para salvar o xacemento.
O BNG volveu insistir na necesidade dun acordo entre o promotor e as administracións públicas a fin de salvar o xacemento, “a solución mais beneficiosa para a administración pública e a permuta de solo e dereitos urbanísticos”, vímolo dicindo dende fai tempo, apuntou Estua, quen tamén lembrou que o PP por medio do seu parlamentar e concelleiro en Cervo, José Manuel Balseiro, defendía noutro tempo a adquisición dos terreos ao promotor, “non sabemos se agora segue na mesma liña ou cambiou de parecer”; o nacionalista fixo mención a dúas iniciativas neste sentido presentadas polo popular, unha no concello de Cervo e outra no Parlamento.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
