Lugo, 26 de setembro de 2020. O Grupo Socialista na Deputación de Lugo defenderá o vindeiro martes, a través dunha moción no Pleno da Corporación, que a Xunta de Galicia asuma o custe das labores de desinfección derivadas da pandemia da Covid nos centros educativos da provincia de Lugo, un importante desembolso económico que están a afrontar os concellos, cando as competencias son da comunidade autónoma.
O PSdeG denuncia a improvisación do Goberno galego ante o inicio do curso e a aprobación unilateral do protocolo da Covid. Tamén solicita que “a Xunta realice directamente as tarefas de desinfección dos centros educativos derivadas das necesidades impostas pola loita contra a pandemia, por non ser unha competencia dos concellos, asumindo a totalidade do sobrecusto derivado da implantación do protocolo Covid”.
Na súa proposta, os socialistas tamén piden “un plan estratéxico para coñecer como vai empregar a Xunta os preto de 93M€ do Fondo Covid-19 que lle achega o Estado”. E por último empraza á Xunta de Galicia “a abrir un proceso de diálogo urxente coa comunidade educativa e a FEGAMP co obxectivo de resolver os problemas derivados do protocolo, elaborado de forma unilateral pola Xunta, para garantir o correcto funcionamento do curso escolar”.
Protocolo aprobado sen negociación
O protocolo de adaptación ao contexto da Covid-19 nos centros de ensino para o curso escolar 2020-2021 foi elaborado e aprobado o pasado 22 de xullo unilateralmente pola Consellería de Educación, a cal se negou a negociar as medidas previstas, así como a proporcionar os recursos necesarios para a súa implantación. “Este protocolo atendía só a criterios económicos, por enriba da calidade educativa e das garantías sanitarias, e deixaba en mans das equipas directivas, do profesorado, das nais e dos pais, dos diferentes concellos a responsabilidade da súa planificación e execución”, asegura o PSdeG.
93M€ do Estado
Os socialistas lembran que o BOE informou dous días despois de ser aprobado este protocolo que Galicia percibirá 93M€ no reparto do fondo Covid habilitado polo Estado, pero en lugar de destinar parte destes recursos a pagar o custo dos traballos de desinfección dos centros, a Xunta deriva esta responsabilidade aos concellos.
O lema de Feijóo: “vos ide facendo e, sobre todo, ide pagando”
O PSdeG asegura que, “mentres Feijóo pide por carta a colaboración aos alcaldes, a actitude da Xunta cara os concellos pódese resumir coloquialmente nun “vos ide facendo e, sobre todo, ide pagando”. Por todo isto, os socialistas reiteran o seu compromiso de colaboración leal na loita contra a pandemia e reclaman á Xunta de Galicia que exerza as competencias que ten atribuídas polo Estatuto de Autonomía en educación e sanidade.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
