Burela, 3 de novembro de 2020. Dende a Asociación de veciños “O Vencello” creemos que o prazo de exposición pública para consultar a proposta de inventario municipal que o Concello de Burela pretende aprobar é claramente insuficiente.
Por iso, vimos de dirixirnos aos tres grupos municipais (BNG, PP e PSdeG) para que acorden prorrogar o devandito prazo de exposición pública a lo menos un mes máis.
O período de exposición pública deste importante documento remata inicialmente o vindeiro 17 de novembro, pero as particulares circunstancias que estamos a atravesar por mor do covid-19 (restricións de accesos, limitación da mobilidade, etc…) condicionan enormemente a súa consulta.
A isto temos que engadir tamén o difícil que é contactar vía telefónica co Concello para solicitar cita presencial nas oficinas da Casa Consistorial, polo que pensamos que so dous meses para aclarar dúbidas e presentar alegacións son escasos.
Creemos que o atraso na aprobación inicial do inventario de bens municipal non suporía ningún prexuízo para o Concello e agardamos que os tres grupos municipais concorden con nós e decidan prolongar a lo menos un mes máis o prazo de exposición.
Chamamento á veciñanza para consultalo.
Dende o Vencello queremos lembrar a importancia de ter un inventario municipal ben feito para unha eficiente xestión e uso dos bens locais.
Por iso, animamos a todos os veciños e veciñas do municipio a que se acheguen ás oficinas municipais para consultar a documentación e os planos que están a exposición pública.
Sabemos que nesta proposta que pretende aprobar o grupo de Goberno municipal existen moitos erros de gravidade que poden afectar a propietarios que actualmente descoñecen os pormenores do que pretenden catalogar como bens municipais; e sabemos tamén que se non se fan as correccións oportunas en tempo e forma despois poden xurdir problemas de difícil solución.
O que queremos, en definitiva, é que o Concello favoreza con feitos tanxibles e non so de palabra a participación dos cidadáns no procedemento e elaboración deste inventario e doutras normas públicas, e facilite así as aportacións veciñais a través de todas as canles legais existentes.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
