Cervo, a 4 de novembro de 2020. O Tribunal Superior de Xustiza de Galiza vén de emitir auto polo que estima en parte a solicitude de medidas cautelares presentada polas organizacións sindicais CIG, CCOO e UGT, ordenándolle a Alcoa “absterse de levar a cabo calquera actuación dirixida a facer efectiva a parada das cubas” en tanto non haxa sentenza de impugnación do ERE.
Fronte ao discurso de Alcoa, a decisión do TSXG reforza a evidencia do dano irreversíbel que suporía a parada das cubas de electrólise, así como a complexidade técnica e o elevado custe deste proceso. O secretario xeral da CIG, Paulo Carril, considera que tras deste auto “o Goberno non pode agardar máis para actuar, xa non ten escusas para impedir que o terrorismo patronal de Alcoa campe as súas anchas ameazando con executar os despedimentos e desmantelar a fábrica”.
Carril reitera que as solucións para a fábrica de San Cibrao non están nos xulgados senón que dependen unicamente das decisións políticas do Goberno español e da Xunta de Galiza. Por iso, insta a ambas administracións a aproveitar o tempo e pór en marcha de inmediato os mecanismos legais para efectivizar a nacionalización da planta.
“Alcoa xa demostrou que non interese ningún en vender a fábrica, senón ao contrario, está boicoteando todas as propostas de solución. Neste punto, a única garantía de futuro industrial para A Mariña está na intervención pública, xa sexa mediante unha expropiación ou outro mecanismo alternativo. Esta medida é viábel, legal e non hai nada na lexislación galega, española ou europea que o impida, tal e como quedou acreditado no informe elaborado pola UdC a petición da CIG. O que está claro é que os Gobernos deben actuar para impedir que a multinacional poida executar o plan de desmantelamento e despedimentos, que inevitabelmente levarían ao peche da fábrica e á ruína da comarca”, asevera.
Neste senso, reclama que se fixe xa a data da reunión da Mesa Multilateral para abordar en común os seguintes pasos a dar e que se concrete un calendario de actuacións para a intervención efectiva da planta.
O TSXG impídelle a Alcoa efectivizar a parada das cubas
Relacionado
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
