Burela, 25 de novembro de 2020. A praza do Concello acolleu os actos de conmemoración do Día Internacional contra a Violencia de Xénero. Alí desenvolveuse unha concentración e deuse lectura a un manifesto.
A concelleira de Muller e Igualdade, Noelia Mª Ben, na súa intervención fixo fincapé en que “ademais da campaña En Negro, durante este mes de novembro realizáronse diferentes actos de visibilización das violencias a través das campañas da Xunta de Galicia, co stand Agresión off: eu digo non á violencia sexual, da Fegamp, como parte da rede de Concellos polo bo trato e do programa propio do Concello de Burela, BUFANDO (Burela Actúa Fronte á Violencia de Xénero), financiada con fondos do pacto de Estado contra a violencia”.
E engadiu que “dentro de todas as actuacións realizadas neste eido, cabe destacar neste ano 2020 que o Concello de Burela aprobou por unanimidade V Plan de Acción Municipal para a Igualdade entre Mulleres e Homes como un instrumento esencial para seguir avanzando na igualdade de xénero en todos os ámbitos. Trátase dun plan de toda e para toda a cidadanía de Burela, que de maneira transversal e integral pretende seguir derrubando as barreiras que hoxe en día continúan impedindo a plena igualdade e as súas distintas manifestacións. Só coa implicación do conxunto de toda a sociedade poderemos continuar o noso traballo, para que Burela sexa un lugar más amable para vivir, todos e todas, en igualdade”.
Nos actos que tiveron lugar esta mañá participaron ademais da concelleira de Muller e Igualdade e do alcalde, Alfredo Llano, outros membros do equipo de goberno, así como veciños e veciñas a título particular.
A programación organizada pola Concellería de Muller e Igualdade seguirá esta semana. Os días 26 e 27, xoves e venres, no Salón de Conferencias do Concello de 9:30 a 13:30 horas celebraranse as xornadas sobre Competencias dixitais para o emprego e o emprendemento, dirixidas a mulleres e impartidas pola Fundación Mujeres. Ademais o día 26 ás 12:30 horas no Salón de Conferencias terá lugar a xornada titulada Prevención do Acoso na Rúa, dirixida a toda a poboación e impartida por Fundación Mujeres.
Durante toda a semana a fachada do Concello está iluminada de morado e tamén se colgou da fachada unha pancarta conmemorativa.
Burela conmemorou o día internacional contra a violencia de xénero con diversos actos esta mañá
Relacionado
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
