Barreiros, 26 de Novembro de 2020. No día de onte, 25N, o Concello de Barreiros conmemorou ás vítimas da violencia de xénero nun acto que tivo lugar na Praza do Concello no que a alcaldesa, Ana Ermida, xunto coa concelleira de igualdade, Montse Porteiro, leron un manifesto ante as persoas que ali se congregaron.
Durante o acto, Ermida presentou “O Camiño da igualdade”, unha iniciativa que o Concello de Barreiros pon en marcha tratando de conxugar deporte, valores de igualdade e respecto e loita contra a violencia de xénero.
Trátase de unha actividade aberta e para perdurar no tempo. A veciñanza pódea facer de maneira individual ou en familia, nun día ou en varios. A concelleira de igualdade explica que “Marcamos 20 puntos para percorrer Barreiros, en cada punto atoparán un mapa con un valor e o seu significado, este valor enlaza coa seguinte estación e así sucesivamente ata chegar a Casa da Igualdade”.
“Esta novidosa iniciativa fai protagonista as veciñas e veciños que sumarán emocións e valores que poderán inculcar as súas crianzas para avanzar nunha educación baseada no respecto, na tolerancia e no rexeitamento a calquera tipo de violencia” apunta Montse Porteiro.
O inicio do Camiño da igualdade atópase no parque situado na Praia da Anguieira e remata na Casa da Igualdade pasando por diferentes puntos do concello barreirense.
Outra das iniciativas é que, por segundo ano consecutivo, Barreiros sumouse a campaña “En Negro Contra as Violencias”. Unha campaña que implica a múltiples administracións, colectivos e empresas.
Enlazando con estas campañas, o Concello de Barreiros está a publicar un álbum nas redes sociais con fotos de persoas e establecementos que colaboran coa campaña #BarreirosEnNegro.
Desde as oficinas municipais facilitan materiais e carteleira para sacar as fotografías.
Barreiros presenta o Camiño da Igualdade
Relacionado
En consecuencia, Alejandro Martínez Eiroa asumirá a responsabilidade da vicepresidencia. A distribución actual dos cargos queda configurada do seguinte xeito: Presidente: José Antonio Zan Vega. Vicepresidente: Alejandro Martínez Eiroa. Secretario: David Rodríguez Arias. Vicesecretario: Alejandro Martínez Eiroa. Tesoureiro: David Rodríguez Arias
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
