Burela, 26 de novembro de 2020. Burela seguirá co peche perimetral e coa hostalería cerrada uns días máis, debido á incidencia acumulada por contaxios de covid-19. O alcalde, Alfredo Llano, mantivo esta mañá unha xuntanza coas autoridades sanitarias. O rexedor agarda que a situación mellore de cara á vindeira semana e que o martes se poida producir algún pronunciamento en firme. Hoxe Burela conta con 37 casos activos.
Llano declarou que “Burela está cunha incidencia acumulada alta, de momento, temos hoxe 37 activos, tíñamos que baixar a menos de 20, que considero que se todo vai ben e seguimos nesta liña para o martes, que se volva reunir o comité clínico, xa nos digan algo en firme tanto sobre a mobilidade e a actividade socioeconómica”.
O alcalde explicou que “están facendo as PCR do barco onde hai 12 que contabilizan como de Burela, máis outros 7 que están a punto de saír xa e outros 5. Así xa quedariamos cun número de positivos realmente optimista e pasaríamos ao nivel amarelo ou laranxa”.
O rexedor espera que “para a semana, a ver se pode ser o martes ou o venres xa, para facer a apertura que eu plantexei. Penso que agora Burela está co peche, pero realmente creo que non ten ningunha incidencia no aspecto sanitario porque están saíndo e entrando máis de mil persoas ao día. Polo tanto, solicitei hoxe formalmente que se tivera en conta esta realidade e que se puidera recuperar a mobilidade ao cen por cen. No respecto á actividade socioeconómica, imos ver se todo vai ben, se reducimos bastante a incidencia e o martes xa nos din que podemos ir pensando na reapertura en Burela. Hai que ter esa esperanza. Tratar de seguir axudándonos uns a outros e corresponsabilizarse de que hai que cortar os contaxios o antes posible. Se é así, imos procurar ter todo solucionado para a semana que ven”.
O Alcalde de Burela confía en que a vila recupere a mobilidade a vindeira semana
Relacionado
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
