VALADOURO .- A Liga Céltiga Galaica propón creación dun centro de estudos locais da bisbarra do Valadouro e animan aos concellos do val a traballar en conxunto cara a creación dun CEL, unha institución na que gardar a memoria, divulgala e mesmo aprender dela, unha entidade na que os dous entes municipais fundan esforzos para que a bisbarra do Valadouro alume, arquive e dea a coñecer a súa historia e cultura local.
Nota de Prensa
UN CENTRO DE ESTUDOS LOCAIS DO VAL
Varios concellos e mesmo algunha bisbarra van rexistrando a súa historia e máis as súas investigacións nun Centro de Estudos Locais (CEL), trátase de institucións auspiciadas polos propios concellos ou xurdidas do interese veciñal en forma de entidade privada.
Estudos Mindonienses, Seminario de Estudos Terras de Viveiro, Instituto de Estudos Chairegos, Centro de Estudos do Corgo… Son exemplos de poboacións que desexan atesourar a pegada do pasado en publicacións, exposicións, arquivos fotográficos e documentais, etc., asemade van gardando testemuño do tempo presente: Eventos locais, celebracións, conmemoracións, mudanzas sociais…
Un CEL da bisbarra do Valadouro levaría a cabo unha pescuda e recolleita de todas aquelas obras literarias vencelladas ao noso val, quer pola temática, quer pola orixe do autor, é dicir, unha procura dende antes de Celestino Cabarcos Suárez até Francisco Casavella, pasando por Rita Geada. Poñemos o exemplo da literatura por ser o máis doado (o val é berce dunha manchea de escritores) pero a recolleita tería que beber de todas as fontes da arte; pintura, escultura, danza, banda deseñada…
A confección dun dicionario urxente -ou mesmo dun dicionario enciclopédico- da cultural local sería outra das tarefas do CEL, un volume onde poder procurar unha referencia ao Cruceiro de Vao, á Sociedade El Valle de Oro ou ao xornal Juventud de Alaje; un compendio de datos do noso val onde aparezan persoeiros como Juan R. Álvarez, Fernández Mato, ou Ramón Pedrosa y Andrade; un libro onde figure a data de publicación de Cóxegas, cantas escolas habaneiras hai na bisbarra ou que nos conte que en Correlos houbo un centro de detención de presas políticas durante a Guerra Civil.
Cantos valecos saben que existe unha fotografía na que aparecen Castelao e Ramón Piñeiro con cadansúa dona diante do castelo do Castrodouro? Ou que o valeco José Orol figura con letras de ouro na historia do cinema mexicano?
Os CEL adoitan manter unha publicación na que van dando conta periodicamente do froito da súa esculca, un soporte gráfico no que os investigadores (espontáneos, ocasionais ou ligados á entidade) reflicten achádegos, conclusións, matizacións de estudos anteriores…
Dende a LCG animamos aos concellos do val a traballar en conxunto cara a creación dun CEL, unha institución na que gardar a memoria, divulgala e mesmo aprender dela, unha entidade na que os dous entes municipais fundan esforzos pra que a bisbarra do Valadouro alume, arquive e dea a coñecer a súa historia e cultura local.
Artigo publicado no número 63 (correspondente a maio do 2010) da revista O Prado das Chantas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
