A Coruña, a 16 de decembro de 2020. A CIG considera que o Estatuto do Consumidor Electrointensivo aprobado este martes polo Consello de Ministras e Ministros chega tarde e resulta insuficiente tendo en conta que non se aclara cal será a rebaixa efectiva no prezo da electricidade para a industria gran consumidora de enerxía, non establece mecanismos de garantía de emprego reais, nin se modifica o mercado de casación de prezos no mercado maiorista, a pesar de ser a principal causa do elevado custe da electricidade para o sector.
Á espera de coñecer polo miúdo o contido exacto do Estatuto cando saia publicado no BOE, para o secretario xeral da CIG, Paulo Carril, “estamos ante unha constatación máis desta acumulación de atrasos inxustificados por parte do Goberno español, co impacto que ten na nosa industria que o estatuto non estea aprobado dende hai meses e nunhas coordenadas que senten as bases para a creación dunha tarifa máis xusta, estábel, predicíbel e competitiva”.
Paulo Carril advirte que o Goberno segue sen aclarar cal vai ser a rebaixa efectiva no prezo da electricidade para o sector, malia que esta indefinición é á que se veñen agarrando as empresas para ameazar a continuidade dos postos de traballo e da actividade, aplicar regulacións de emprego, recortar dereitos ou non realizar investimentos nas fábricas e nos procesos produtivos.
Quen asumirá os custes?
Neste senso, sobre o anuncio da rebaixa do recibo eléctrico nun 13%, fundamentado en sacar das peaxes as primas ás renovábeis (por valor duns 7.000 millóns de euros), a CIG teme que isto supoña trasladar os custes a todas as empresas enerxéticas, incluídos os prezos dos carburantes, e que estas acaben cargando este gasto sobre o conxunto das persoas consumidoras. Xunto a isto, segundo o anunciado polo Ministerio, o estatuto contempla tamén unha retirada do 85% das peaxes de extrapeninsulares, pero non se explica quen asumirá estes custes.
Carril lembra que na proposta de tarifa industrial elaborada pola CIG en 2018, propúñase eliminar o 100% das peaxes que non teñan unha relación directa co funcionamento do sistema e que estes custes sexan asumidos polos Orzamentos Xerais do Estado, incluíndo tamén o déficit tarifario. No caso da peaxe de transporte, a proposta da CIG contemplaba ademais unha compensación do 100% para as electrointensivas instaladas naquelas comunidades autónomas que exportan electricidade, como é o caso de Galiza.
De igual xeito, a nova regulación non modifica o mercado de casación de prezos no mercado maiorista (o denominado pool) aínda que isto constitúe a principal causa do alto prezo da luz para as electrointensivas, posto que as peaxes para estas industriais teñen unha repercusión menor, xa que canto maior é a potencia contratada menor é o cargo por peaxes.
Doutra banda, o secretario xeral da CIG apunta que o Estatuto rebaixa os requisitos para ter a consideración de industria electrointensiva, pois agora asumen esta categoría máis de 600 empresas, “desvirtuándose así a condición real de electrointensiva”. A maiores, alerta Carril, o Goberno español “segue a fiar a dúas variábeis absolutamente arbitrarias a consecución dun prezo estábel e competitivo: o prezo á baixa polo impacto que pensan suporá a introdución de renovábeis e a que as PPA sexan a solución facéndoas atractivas a través do Fondo de Reserva”.
Compensación por CO2
Se ben a compensación por CO2 sube até os 200 millóns de euros no próximo ano, o seu efecto dilúese ao pasar das 119 empresas que empregaban a interrumpibilidade a 612, ao rebaixarse os criterios para ser considerada empresa electrointensiva.
Sen garantías de emprego e da continuidade produtiva
Para a CIG resulta preocupante que o Goberno, como todo parece indicar, non atendera as alegacións a respecto das garantías de emprego e de mantemento da actividade esixíbeis ás empresas beneficiadas, incidindo na desprotección recollida no RD 20/2018. Pola contra, a central nacionalista reclamou que toda empresa que reduza en máis dun 20% a súa produción ou os postos de traballo actuais (vía ERE ou ERTE), ou que non respecte as condicións laborais, debera ser excluída automaticamente da posibilidade de recibir estas axudas e obrigada a súa devolución.
A CIG entende que o Estatuto Electrointensivo chega tarde e resulta insuficiente para dar unha solución definitiva ao sector
Relacionado
-
O PP insta ao Goberno dende o Senado a garantir o acceso á telefonía móbil e á fibra óptica na totalidade da provincia con plans específicos para o rural
-
O PSdeG reclama ao alcalde de Abadín actuacións urxentes no campo de fútbol municipal
-
O PPdeG destaca as iniciativas de emprendemento desde o rural galego que poñen en valor o territorio
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
