Compostela, 4 de febreiro, 2021. A Consellería do Mar, a través de Portos de Galicia ten comprometido no exercicio 2021 un investimento de 7,3 millóns de euros en dotación e mellora de instalacións aboiantes, pantaláns e prazas de amarre nos peiraos de titularidade autonómica. O Consello da Xunta analizou esta mañá do informe que, ademais, cifra o esforzo investidor nesta materia en máis de 19 millóns de euros desde o ano 2015.
O documento recolle as distintas actuacións previstas e as fases de tramitación administrativa nas que se atopan a día de hoxe. Neste sentido, o informe dá conta do inicio inminente das obras de reordenación da lámina de auga de Ribeira, que suporán a creación de medio cento de novas prazas de amarre. Ademais están na última fase de contratación, pendentes de adxudicación de contrato, a mellora dos pantaláns de Corme, Pontedeume, Fisterra, O Freixo, Muros, Miño, Betanzos e Corcubión, a reforma dos pantaláns de Testal, a construción do pantalán de pasaxe e ampliación do da escola de remo de Pontecesures e o embarcadoiro de Valga.
Entre as actuacións incluídas tamén están as que se atopan na fase de tramitación ambiental, como as obras de nova construción, ampliación, reforma e mellora das instalacións de atracada de Sada, Rianxo e A Pobra do Caramiñal así como a ampliación de atraques de pasaxe en Cangas. Finalmente, está en fase de redacción do proxecto o pantalán para embarcacións menores pesqueiras en Celeiro, no concello de Viveiro.
Este esforzo investidor, que supón un eixo de traballo estratéxico para Portos de Galicia, redunda na mellora da seguridade dos usuarios dos portos e as súas embarcacións, así como da operativa portuaria e as condicións de traballo dos profesionais do mar. Ademais, xunto coas actuacións destinadas expresamente á dotación de prazas, as melloras dos últimos anos acompáñanse da dotación de fingers e brazos de amarre, así como de servizos básicos, abastecemento de auga e subministración eléctrica.
Portos de Galicia conta a día de hoxe cun total de 14.331 prazas de amarre distribuídas en 66 dos 122 portos que xestiona ao longo dos más de 1.700 quilómetros de franxa litoral. Destas, 10.174 corresponden a prazas do sector náutico recreativo -o 21% impulsadas pola iniciativa privada- e 4.147 son prazas do sector profesional, tanto pesqueiro como acuícola, impulsadas pola Administración pública.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
