Lugo, 01 de marzo de 2021. O Consello Provincial de Turismo é, en teoría, un órgano participativo e consultivo. Na práctica, nin participativo nin consultivo, como poñen de manifesto o deputado provincial Jesús Novo (alcalde de O Vicedo) e o presidente do Consorcio de Turismo da Ribeira Sacra, e alcalde de Sober, Luís Fernández Guitián, despois de participar na máis recente reunión do Consello. Novo, en representación do PP, e Guitián como representante do Consorcio, asistiron o pasado xoves á reunión do Consello, para tratar do denominado, polo goberno da Deputación, Plan de Impulso da Economía da Provincia: os dous coinciden en sinalar que foi un acto de propaganda, un mitin, que supuxo un verdadeiro ninguneo para os representantes do sector do turismo na provincia.
O deputado Jesús Novo sinala: “A recente reunión do Consello Provincial de Turismo demostrou unha vez máis que o actual formato non é o axeitado e cremos que precisa un cambio. Na reunión celebrada o xoves pasado, máis que a unha reunión na que se debía de tratar de turismo, ao que realmente asistimos foi a un mitin político a cargo da deputada da área”
Tamén declara Novo: “No PP solicitamos un cambio de formato, que poidamos participar todos. É certo que se nos deixa intervir, pero xa nos traen os deberes feitos, e o único que podemos facer é dicir se estamos ou non de acordo; as nosas opinións e propostas de pouco valen neste caso”.
Polo seu lado, o alcalde de Sober e presidente do Consorcio da Ribeira Sacra, Luís Fernández Guitián, sinala: “Está claro que o Consello Provincial de Turismo non pode funcionar tal e como está funcionando. Está sendo un órgano propagandístico do presidente da Deputación e do seu equipo. En realidade debía de tratarse dun ente consultivo e participativo, no que todos os membros puideran expresar as súas opinións e tiveran a oportunidade de rebater as opinións do propio grupo de goberno”.
Igualmente indica: “Tal como está funcionando non ten utilidade ningunha, como quedou claramente reflectido na última reunión. O presidente fixo unha exposición sen comunicar previamente a ninguén a documentación do que ía na orde do día. Está claro que os obxectivos dese órgano son outros e se segue funcionando tal como está o mellor é que se disolva porque non ten ningunha operatividade”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
