Burela, 29 de xuño de 2021. O presuposto municipal do Concello de Burela para 2021 ascenderá a máis de 7 millóns de euros. Este xoves, 1 de xullo, debaterase en pleno extraordinario ás 20 horas. Tamén se aprobarán os festivos locais de 2022, que serán o Martes de Entroido e o luns das festas patronais, segundo deu a coñecer hoxe o alcalde, Alfredo Llano.
O rexedor contou que “corresponde facer o pleno extraordinario para aprobar os orzamentos, se é posible, este xoves, 1 de xullo. O pleno vai ser telemático, esperemos que sexa o último e poidamos facelos de xeito presencial a partir de aí. Imos aprobar os orzamentos máis os días festivos para o 2022, que serán os mesmos deste ano, o Martes de Entroido máis o luns das festas. Tamén temos previsto, non sabemos se poderá levarse adiante ou non, porque depende da decisión que tomen en Alcoa, facer un acto para recibir aos traballadores da factoría, pero pode ser agora ou noutro pleno, así que xa o confirmaremos”.
Llano explicou que “os orzamentos por fin se poden levar a pleno dado que houbo moitas dificultades, estivemos sen Intervención durante moito tempo e houbo que elaboralos agora. Practicamente van na liña do ano pasado, son case 7.100.000 máis o que hai que engadir do Plan Único, que son 376.000 euros, polo tanto superamos nesa cantidade os do ano pasado”.
O alcalde subliñou que “están orientados a atender todas as necesidades tanto sociais como de investimentos e servizos que están perfectamente calculados. Esperemos que sexan suficientes, están pensados para que así sexa e, desde logo, poder atender as necesidades de Burela da mellor maneira posible. Agardemos que todo vaia ben e poidan saír para adiante o próximo xoves”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
