Burela, 4 de agosto de 2021. A conselleira do Mar, Rosa Quintana, visitou hoxe a lonxa de Armadores de Burela onde constatou que este centro de poxas conta cun dos sistemas de venda máis avanzados e modernos do mundo pois é totalmente dixital pero mantén a base tradicional de cantar os prezos a viva voz. Para a adxudicación das distintas especies as cotizacións son cantadas por un ordenador e os compradores mercan pulsando simplemente o botón dun mando que cada un deles ten preasignado.
A titular de Mar lembrou a importancia de que o sector aposte de xeito constante pola innovación con actuacións coma esta, que contou cunha axuda da Xunta de Galicia cofinanciada co Fondo Europeo Marítimo e de Pesca de máis de 160.000 euros a través dun proxecto presentado polo grupo de acción local do sector pesqueiro (GALP) A Mariña-Ortegal na convocatoria de achegas de 2021. Ademais, trátase dunha mellora que permite a adxudicación dos lotes de forma automática cando así o sinalan os compradores, permitindo unha trazabilidade e disposición de datos contables instantáneas.
Este sistema, que se instalou en probas a comezos de xuño, permite dixitalizar totalmente a poxa das capturas que chegan a esta lonxa, a segunda máis importante de Galicia en canto a facturación. Trátase dun avance importante tendo en conta tamén que Burela é un dos referentes na comercialización de especies como a pescada do pincho ou o bonito do norte, produtos moi demandados en toda España pola súa calidade ao ser capturados con artes de pesca moi selectivas.
A representante do Executivo galego animou aos representantes da lonxa de Burela (Armadores de Burela SA, ABSA) e do conxunto do sector a seguir apostando por este tipo de melloras que contribúen a optimizar o labor dos profesionais do mar e a impulsar a competitividade dos portos, que son fonte de emprego e riqueza na súa contorna. Neste sentido, lembrou que a Xunta destina este ano máis de 16 millóns de euros ás iniciativas que presenten os oito GALP existentes en Galicia e que as preto de medio milleiro de accións desenvolvidas na comunidade desde 2016 ao abeiro destas entidades supuxeron a mobilización de máis de 30 millóns de euros de axuda pública.
Nave de redes e porto de Celeiro
A titular de Mar, que estivo acompañada polo delegado territorial da Xunta en Lugo, Javier Arias, e pola presidenta de Portos de Galicia, Susana Lenguas, tamén visitou a nave de redes de Burela. Este inmoble, que emprega a confraría de pescadores local para almacenar e reparar artes e aparellos, está a ser reformado e acondicionado polo ente portuario galego co obxectivo de mellorar as condicións de traballo dos seus usuarios. As obras, que contan cun investimento de preto de 270.000 euros, inclúen actuacións como a substitución da cuberta, arranxos na fachada, a substitución das portas de acceso por outras corredías, a renovación da instalación eléctrica e a construción dun aseo e un almacén na zona central da nave, entre outras.
Rosa Quintana visitou posteriormente o porto de Celeiro (Viveiro) onde comprobou en que van consistir as obras que ten proxectadas Portos de Galicia para a remodelación e ampliación das instalacións de atraque das embarcacións de artes menores locais. Os traballos consisten na instalación de pantaláns flotantes e a redistribución dos xa existentes para dar servizo e cubrir as necesidades da frota profesional e de recreo.
As actuacións previstas, que contan cun orzamento base de licitación de máis de 400.000 euros, permitirán separar os atraques das embarcacións en dúas zonas con accesos diferenciados, unha para as embarcacións profesionais e outra para as de lecer, facilitando así o desenvolvemento e a organización das dúas actividades.
A conselleira do Mar tamén aproveitou a visita ao porto de Celeiro para manter un encontro cos representantes do sector pesqueiro local e analizar a evolución da actividade nos últimos meses tendo en conta o impacto da alerta sanitaria polo coronavirus así como para coñecer as necesidades dos profesionais do mar da zona co obxectivo de facilitar o seu labor diario.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
