Ribadeo, 24 de setembro de 2021. O Concello colabora co I Torneo de Rugby 7 Inclusivo que se celebra mañá, sábado, no Campo de Outeiro na parroquia da Devesa. No evento participan 7 clubs mixtos galegos e asturianos.
O edil de Deportes, Jorge Díaz, explicou que “arredor de 80 xogadores e xogadoras de rugby inclusivo mixto daranse cita mañá a partir das tres da tarde no Campo de Outeiro (A Devesa, Ribadeo) para disputar o I Torneo de Rugby 7 Inclusivo”.
O concelleiro ribadense subliñou que “o Concello de Ribadeo, no seu afán de promover iniciativas que se adapten a todos os públicos, colabora co club BeOne Ribadeo Rugby poñendo a disposición as instalacións, carpas e outros material precisos para o bo desenvolvemento do torneo. O mesmo tempo o club BeOne Ribadeo Rugby colabora na difusión do Rugby en Ribadeo participando nas escolas deportivas do Concello que oferta o rugby entre as súas actividades. O 1 de outubro comezan as mesmas no Campo da Vía”.
Díaz Freije dixo que “se trata do primeiro torneo destas características que se celebra en territorio galego e é un pracer que sexa na nosa vila, agardamos que non sexa o último”.
O edil destacou tamén “a importancia de traer a Ribadeo eventos deste calibre que, ademais de fomentar a inclusión de persoas con discapacidade no deporte, serven para promocionar os recursos turísticos e naturais e o patrimonio histórico, artístico e cultural do Concello de Ribadeo e da comarca da Mariña Oriental”.
Este primeiro torneo de rugby inclusivo na modalidade de rugby a 7 reunirá en Ribadeo a clubs galegos e asturianos, entre os que están: Colexio Fundación EDES (Tapia de Casariego, Asturias), Colexio Santa María del Naranco – Alter Vía (Oviedo, Asturias), Asociación Llanerense de Rugby (Llanera, Asturias), CRAT Coruña (A Coruña, Galicia), Clube de Rugby Fendetestas (As Pontes de García Rodríguez, A Coruña, Galicia), Muralla Rugby Club (Lugo, Galicia), e Club BeOne Ribadeo Rugby (Ribadeo, Lugo).
“O rugby inclusivo consiste na práctica deste deporte por persoas con e sen discapacidade intelectual. É altamente recomendable, tanto polo benestar físico e mental que conleva, como para mellorar a calidade de vida e a inclusión social de persoas con discapacidade”, explicou Daniel Sever, presidente do Club BeOne Ribadeo Rugby.
O concelleiro de Deportes engadiu: “é un orgullo ver cómo Ribadeo fomenta o deporte inclusivo en xeral e o rugby inclusivo en particular. Iniciativas coma esta fan que un se sinta orgulloso do seu pobo”.
Jorge Díaz participou na presentación do I Torneo de Rugby 7 Inclusivo, que tivo lugar no Campo de Outeiro.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
