A Mariña, 25 de outubro de 2021. A Mancomunidade de Concellos da Mariña Lucense, baixo o convenio asinado coa Axencia de Turismo de Galicia e coa colaboración da Deputación de Lugo para a súa promoción, organiza as III Xornadas de Portas Abertas das Rutas de Artesanía, que se desenvolverán as fins de semana do 29 ao 31 de outubro e do 12 ao 14 de novembro. Nesta ocasión estarán destinadas aos profesionais do turismo, da hostalería e do comercio da comarca, das axencias de viaxes e dos centros educativos de Galicia así coma ao público e xeral.
As III Xornadas de Portas Abertas discorrerán por parte dos 6 itinerarios turísticos propostos que conforman as Rutas de Artesanía da Mariña Lucense e inauguraranse o 29 de outubro na Pontenova no taller de Rodil, ferreiro participante deste municipio, cunha visita guiada da man do técnico de turismo municipal Carlos Morado. As Xornadas de Portas Abertas continuarán durante os días 30 e 31 de outubro, 12, 13 e 14 de novembro en Mondoñedo, Viveiro, Burela, Cervo e Foz.
As actividades son gratuítas e inclúen a visita a un ou dous obradoiros e ás propostas complementarias. Para participar é preciso reservar en turismo@amarinalucense.gal ou no teléfono 636.737.608, xa que as prazas son limitadas.
As persoas interesadas atoparán mais información en amarinalucense.gal na sección Rutas de Artesanía.
Segue A Mariña en Ruta
A quinta andaina deste outono de A Mariña en Ruta será o 30 de outubro por Riotorto.
A ruta será guiada por Pedro Rolle e Guido Álvarez. “Trátase dunha andaina de natureza de 3 horas de duración, na que se combinarán relatos históricos coa paixón polo medio ambiente. Será unha boa oportunidade para descubrir as Terras de Miranda, a historia dos ferreiros de Riotorto e unha contorna natural de fantasía literaria”, explican desde A Mancomunidade de Concellos da Mariña Lucense. Para esta ruta xa non queda prazas libres.
A Pontenova foi a protagonista da ruta do pasado sábado, día 23. Nesta edición de A Mariña en Ruta elixiuse realizar a Ruta dos Fornos, de 4,5 quilómetros nun itinerario circular que antano unía os grupos de fornos das minas de Vilaoudriz e Boulloso. Os asistentes puideron coñecer a orixe da Sociedade Mineira de Vilaoudriz, o funcionamento do ferrocarril e descubriron a impresionante Mina Consuelo. A andaina seguiu polos barrios de Castelo e O Mazo e os seus característicos hórreos ata chegar ao antigo conxunto de fornos de Boulloso, un punto clave para entender mellor os laboriosos traballos da minería de metalurxia, grazas ás estruturas recuperadas do fornos de calcinación. Xa de volta á beira do río Eo os camiñantes fixeron unha parada na antiga estación de ferrocarril de Vilaoudriz, un magnífico itinerario que permitiu da man do guía Boris Vilar gozar de forma relaxada do patrimonio industrial e da natureza da Pontenova.
A Mariña en Ruta está organizada pola Mancomunidade de Concellos, coa colaboración da Xunta de Galicia e da Deputación de Lugo, para axudar á dinamización da comarca no outono.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
