BURELA .- A Área de Cultura, dependente de Vicepresidencia Primeira da Deputación de Lugo, segue coas accións formativas do proxecto teatral Buxiganga, nesta ocasión cun curso adicado as técnicas interpretativas que se está a desenvolver no Auditorio da Casa da Cultura de Burela, impartido polos profesores Paloma Lugilde, Ester Pedrouzo e Alberte Cabarcos. Este curso completou as prazas ofertadas debido a que os actores e actrices de cinco grupos de teatro da Mariña se implicaron moi activamente co propósito de sacar proveito desta acción formativa.
O curso divídese en tres apartados cadanseu impartido por cada docente.Paloma Lugilde encargarase de traballar cos actores e actrices da Mariña o Corpo e a Voz. Nos seguintes días os alumnos adentraranse da man de Alberte Cabarcos, no mundo da Comedia da Arte, asi como no da Interpretación con Esther Pedrouzo.
O curso celébrase todos os sábados de xullo e setembro en horario de 09:00 a 14:00 horas. Recordamos que na Mariña existe unha gran tradición teatral que ven respaldada polo gran número de compañías afeccionadas existentes. Case a metade dos grupos de teatro que participan en Buxiganga son da Mariña (sete de dezaseis en total), e estes grupos realizan, grazas ao apoio da Área de Cultura da Deputación, un total de 40 actuacións por diferentes concellos lucenses. Os grupos de teatro da Mariña dentro do proxecto Buxiganga son: A Adala, Axóuxere e Batán de Foz, Ardora de San Cibrao, o Bordelo de Cervo, Raiolas de Alfoz e TeatroCrea de Viveiro. Ademais, os concellos tamén se benefician deste programa ao acoller diferentes concellos mariñaos un total de 25 actuacións teatrais subvencionadas pola Área de Cultura da Deputación.
Ademais deste curso haberá outros como o de pedagoxía teatral, monicreques e dirección, así como outra edición deste mesmo curso en Antas de Ulla.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
