Santiago de Compostela, 8 de febreiro 2022.- “A pregunta que ten que responder o Goberno de Feixóo e o PP é por que a Xunta renuncia a rescatar as empresas galegas en crise, pero presenta mocións para que sexa a SEPI quen as rescate”. Con esta contundencia respondeu o portavoz nacionalista de Industria, Mon Fernández, ao veto do PP no Parlamento galego a unha iniciativa do BNG con 20 propostas concretas para impulsar a reindustrialización do País, logo da destrución de 12.000 empregos no sector dende que Núñez Feixóo chegou ao goberno.
Fernández afeou ao PP que non dera “ningún argumento” que xustificase a súa negativa á moción nacionalista e a rescatar as empresas galegas en crise. “Por que a Xunta pode participar cun 25% no capital de Reganosa e non pode entrar no capital de Alu Ibérica ou de Barreras? Será que é máis estratéxica que outras? Cal é o baremo para medir isto?”, cuestionou con severidade para engadir a continuación que “non necesitamos entrar nesta discusión porque a Xunta participa doutras empresas que non son estratéxicas, como é o caso de Biomasa Forestal, unha empresa das Pontes que fabrica pellets e está participada por Xesgalicia e o Inega.
O portavoz de Industria do Bloque subliñou que, no caso de que a SEPI non atenda as demandas do Goberno galego e este non asuma un papel activo no rescate das empresas, “cando menos debería presentar un plan industrial e comprometer recursos propios na medida das súas posibilidades”. Presentarse nas mesas que sempre se constitúen nos casos de crises industriais “e dicir: temos este proxecto, estes socios e nós estamos dispostos a poñer tanto” sería, ao seu xuízo, “moito máis construtivo que acusar de inacción aos demais sen facer absolutamente nada”.
Logo de recalcar que precisamente o problema do Executivo Feixóo é que non pode poñerse de modelo de nada e, polo tanto, as súas críticas carecen de credibilidade, Fernández reprobou os intentos do PP de promover “a estridencia e a mentira” nos debates políticos para agochar que o seu gabinete “escapa das auténticas responsabilidades de goberno para ocultar que o seu proxecto é o dun País sen competencias, reducido e simplificado; un auténtico self-service”.
“Se hai algo claro que tanto as empresas como o persoal que traballa nelas poden ter moi claro é que se algún día se visen afectadas por unha crise non poderán contar coa Xunta nin co presidente Feixóo para superala baixo o pretexto, ridículo, estrafalario e tramposo de que a Xunta non está por nacionalizar empresas”, sentenciou.
Fronte a esta política da inacción, o deputado nacionalista recalcou que o BNG entende que a Xunta debe participar activamente no rescate do emprego industrial, de todo o tecido de pequenas e medianas empresas, de autónomos e autónomas e de todo o emprego inducido que alimentan as grandes empresas industriais galegas. “Nós non deixariamos caer estas grandes empresas sen facer nada”, advertiu, logo de afondar nas 20 propostas presentadas polo Bloque para reactivar e reindustrializar o País, “como líderes da oposición e da proposición”.
Así pois, entre as medidas propostas, defendeu a necesidade de que o Executivo galego se comprometa activamente no rescate de empresas como Alcoa, Alu Ibérica ou Barreras e esixirlle a Xeal que cumpra co estipulado nas concesións das centrais hidroeléctricas do Xallas sobre o mantemento do emprego nas fábricas de Cee e Dumbría. De igual xeito, propuxo plans específicos para as comarcas da Mariña e Ferrolterra, especialmente castigadas pola crise, así como para sectores estratéxicos como o do naval, a automoción, o da madeira, o enerxético ou o siderúrxico, propostas atravesadas todas elas por outras de carácter estrutural como o incremento do investimento en I+D+i ata o 2,5% do PIB.
“En definitiva, esixímoslles compromiso para salvar a actividade dos sectores e as empresas en crise; iniciativa para liderar o cambio de modelo en sectores importantes para Galiza e ambición, para poñer este País á altura dos mellores”, concluíu.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
