SANTIAGO .- O Consello da Xunta aprobou hoxe o convenio entre a Consellería de Medio Ambiente, Territorio e Infraestruturas e o concello de Barreiros para levar a cabo a construción dunha área de estacionamento de autobuses. A nova instalación situarase na rúa da Villa, nun tramo N-635, e supón un investimento de 220 mil euros.
A XUNTA INVISTE PRETO DE 220.000 EUROS NA CONSTRUCIÓN DUNHA NOVA ÁREA DE ESTACIONAMENTO DE BUSES NO CONCELLO DE BARREIROS
§ A nova instalación situarase na rúa da Villa, nun tramo N-635, estrada que une a cidade de San Sebastián e Santiago de Compostela
§ Este tipo de espazos configúranse como infraestruturas análogas ás estacións de autobuses nos concellos en que pola súa dimensión ou configuración urbana non é adecuada a construción dunha estación
§ O obxectivo será mellorar as condicións de transporte para repercutir na mellora da ordenación do tráfico do transporte público, xa que se centralizará nun único lugar tanto as chegadas como as saídas dos autobuses
O Consello da Xunta aprobou na súa reunión de hoxe o convenio entre a Consellería de Medio Ambiente, Territorio e Infraestruturas e o concello lugués de Barreiros para levar a cabo a construción dunha nova área de estacionamento de autobuses. A consellería, a través da Dirección Xeral de Mobilidade, realizará unha achega de preto de 220.000 euros.
A nova instalación situarase na rúa Villa do concello de Barreiros, nun tramo da N-635, polo que dará servizo tamén aos viaxeiros de transporte público por estrada. A instalación estará formada por unha marquesiña de aceiro inoxidable de 20 metros de lonxitude, mentres que a plataforma actual servirá como lugar de espera aos viaxeiros. Para o estacionamento de autobuses empregarase a zona de aparcamento existente. Ademais, instalaranse papeleiras, bancos e procederase á posta a punto dunha iluminación adecuada.
Este tipo de espazos configúranse como infraestruturas análogas ás estacións de autobuses nos concellos en que, tanto pola súa dimensión como pola súa configuración urbana, non resultaría viable levalas a cabo. Esta actuación beneficiará aos preto de 2.250 veciños de Barreiros.
A Xunta de Galicia, ao longo dos últimos anos, acometeu diversos plans de construción de estacións de autobuses de diversos niveis, atendendo ás necesidades e demandas específicas que cada entidade de poboación demandaba. Na actualidade, é preciso continuar coa liña de creación de elementos dotacionais do transporte de viaxeiros. Nalgúns casos, non é necesario crear novas áreas de estacionamento, senón que tan só é preciso dotar a estación de novas instalacións que faciliten a penetración urbana ao transporte.
Obrigas da Consellería e do Concello de Barreiros
A Consellería de Medio Ambiente terá o deber de financiar a totalidade das obras así como licitalas, ademais de asumir a dirección da obra. Pola súa parte, o Concello de Barreiros deberá poñer á disposición da consellería os terreos libres de cargas e gravames necesarios para a execución das obras, así como asumir o mantemento e a conservación das obras unha vez rematadas.
Para o seguimento do cumprimento das condicións establecidas no convenio, establecerase unha comisión de coordinación formada polo director xeral de Mobilidade, Miguel Rodríguez Bugarín, por un técnico da consellería, polo alcalde de Barreiros, José Alfonso Fuente, e por un funcionario do concello. A vixencia do convenio será ata o 31 de decembro de 2010, sen prexuízo de prorrogar o dito período en virtude dunha causa xustificada.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
