Foz, 24 de marzo de 2022. É un feito comprobado a incapacidade de xestión do goberno municipal presidido por Fran Cajoto. Pero tamén está xa sobradamente demostrada a súa covardía, que o leva a deixar que os asuntos municipais podrezan por medo a tomar decisións, aínda que iso supoña importante custos para os veciños de Foz. O portavoz popular, Javier Castiñeira, sinala: “Cajoto e Fanego mostran unha actitude covarde diante da problemática dos servizos de abastecemento de auga e de depuración, con Gestagua, ante as débedas que ten que pagar o Concello, neste caso de cerca de 1.200.000 euros. Dicimos que adoptan unha actitude covarde porque non son capaces de aplicar unha das tres solucións que teñen enriba da mesa; poden aplicalas libremente porque teñen o goberno municipal máis amplo que nunca se tivo, porque teñen maioría e non pasa como cando gobernaba o PP, que estaba en minoría”.
Castiñeira explica: “Hai tres opcións. A máis directa é a actualización dos prezos na ordenanza da auga. O PP intentouno facer no 2011-2012 e esta iniciativa foi votada en contra por PSOE e BNG, que estaban na oposición, e por Unifoz, dirixida por Xaime Cancio. A segunda opción que teñen é aprobar unha nova concesión, e para iso o PP xa deixou feitos os pregos de condicións para o concurso. No 2019 quedaron enriba da mesa, pero o alcalde, o PSOE e o BNG, metéronos nun caixón, non quixeron aplicalos e agora veñen os lamentos”. Engade: “A terceira opción é a municipalización do servizo. Teñen esa posibilidade porque teñen a maioría e poden facelo; esa era a súa vontade, porque así o plasmaron en algunha campaña electoral. Tanto PSOE como BNG vían que esa era unha opción viable. Pódeno facer, ¿por que non o fan? Porque, como di a señora Inés López, queren deixar que isto corra ata que teñamos a nova depuradora, pasados varios anos. A verdade é que entendemos que non pode ser por outra cosa distinta a que non se atreven, que non son valentes para afrontar este problema; é moito máis fácil pagar cos cartos de todos os veciños de Foz”.
Para os populares, “o goberno local prefire pagar ano a ano antes que afrontar os problemas”. Castiñeira di que “isto é o que está pasando e é o que nós queremos denunciar; estase desaproveitando un goberno de ampla maioría, que está facendo moito menos que cando gobernaba o PP, en minoría, que conseguía chegar a pactos coa oposición negociando. Isto é imposible pedirllo ao goberno bipartito do Concello de Foz”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
