LUGO .- A fundación CEL entregou os premios nun acto ao que presisiu o titular da Xunta. Alberto Nuñez Feijoo fixo referencia ao impulso do autogoberno, a visión de Galicia como unha realidade global, e un empresariado organizado e vencellado entre si como factores clave para saír da crise económica.
Nota de Prensa
O titular da Xunta presidiu en Lugo o acto de entrega dos premios da Fundación CEL
FEIJÓO SINALA O AUTOGOBERNO, A GALICIA GLOBAL E UN EMPRESARIADO ORGANIZADO E VENCELLADO COMO FACTORES CLAVE NA SAÍDA DA CRISE ECONÓMICA
? Salienta que o Acordo do Obradoiro ou o impulso á fusión das caixas serían impensables sen un autogoberno “activo e resolto”
? “O minifundismo social pode ser un pecado venial en épocas de bonanza económica, pero convértese en mortal nestes tempos”, asegura
? Gaba o empresariado “organizado, artellado, vencellado entre si e capaz de defender conxuntamente os seus intereses”
Lugo, 20 de xullo de 2010.- O presidente da Xunta, Alberto Núñez Feijóo, sinalou hoxe o impulso do autogoberno, a visión de Galicia como unha realidade global, e un empresariado organizado e vencellado entre si como factores clave para saír da crise económica. “O optimismo non é ilusorio cando repousa en feitos”, salientou o titular do Goberno galego durante a súa asistencia, esta noite en Lugo, á entrega de premios da Fundación CEL.
Núñez Feijóo lembrou que a actual crise non é a primeira que sofre Galicia e recalcou que existen tres factores que hoxe “nos fan diferentes e nos permiten mirar ao futuro con máis confianza”. “O primeiro deles é a mesma existencia do autogoberno”, salientou o presidente, quen destacou que antes Galicia “estaba indefensa”.
Neste sentido, achegou dous exemplos que serven para ilustrar a importancia deste elemento: o Acordo do Obradoiro sobre o AVE, ou o impulso á fusión das caixas galegas. “Alguén pensa que eses dous logros serían imaxinables sen un autogoberno activo e resolto?. Estou seguro que non”, afirmou o titular da Xunta. “A concepción do autogoberno como un instrumento útil e non só simbólico é algo que nos fai máis fortes nesta complicada coxuntura”, engadiu.
O presidente galego sinalou como segundo factor a progresiva transformación de Galicia nunha realidade global. “O minifundismo social pode ser un pecado venial en épocas de bonanza económica, pero convértese en mortal nestes tempos”, asegurou. Neste sentido, salientou que, nun momento nos que se reducen os recursos públicos, hai un activo “fundamental” para lograr facer máis con menos: “trátase da unidade de esforzos e da eficiencia para lograr manter a estabilidade orzamentaria e de prestacións e tentar conducirnos cara un futuro máis próspero, máis humanizado e máis autónomo”.
Así, Feijóo asegurou que “o gran proxecto galego” deixaría de ser o que é cunha Galicia “de desenvolvemento asimétrico e inxusto, no que provincias como Lugo tiveran un papel secundario”, abondou o presidente galego quen destacou a posta en marcha do programa Impulsa para os empresarios desta provincia.
O titular da Xunta nomeou aos empresarios como o terceiro factor contra a crise económica. Neste sentido afirmou que, a pesar de que a historia de Galicia fala máis de empresarios que de empresariado, “hoxe hai grandes empresarios en Lugo e en Galicia que forman un empresariado organizado, artellado, vencellado entre si, e capaz de defender conxuntamente os seus intereses”. “Antes, os empresarios eran unha compoñente secundaria e excepcional no conxunto do país, mentres que hoxe podemos e debemos definir Galicia como o compendio dun pobo, dunha cultura, dun espazo físico e dun empresariado protagonista”, afirmou.
“A Galicia que vós facedes todos os días é moi diferente á que antes tiña que padecer pasivamente as crises. O noso país ten empresariado, ten autogoberno, ten un pobo que comprende a importancia da unidade. Xa non somos xoguetes do destino, senón unha comunidade capaz de orientalo”, concluíu o presidente galego.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
