Mondoñedo, 26 de abril, 2022. Mondoñedo está preparado para celebrar as súas tradicionais Feiras e Festas de As Quendas. A Asociación As San Lucas dá a coñecer o programa completo desta edición, que se celebrará na cidade entre este venres 29 de abril e o domingo 1 de maio. O presidente da Asociación organizadora, Miguel Souto, explica que un ano máis a programación de As Quendas busca “a posta en valor tanto do noso campo, apoiando aos gandeiros e ás razas autóctonas, como da nosa cultura, con actividades como son Mondoñedo é Poesía ou a obra teatral ‘Nais’”.
Esta feira é unha das de máis tradición de toda Galicia. Vénse celebrando en Mondoñedo desde 1541 (hai xa 481 anos). Esta edición arranca este venres 29 de abril co pregón que pronunciará no auditorio Pascual Veiga, ás 20:30 horas, Claudia del Pino Martínez, profesional do turismo, formadora e guía de turismo oficial, traballou na oficina de turismo de Mondoñedo e é colaboradora habitual da Asociación As San Lucas
Este primeiro día das festas tamén ten outros protagonistas da casa, que son os ‘quendeiros’ e a ‘quendeira. Erea Díaz Fernández, de 5 anos, así como Mario e Jordi Domenech Val, tamén de 5 anos presidirán durante esta fin de semana os festexos deste ano. O presidente da Asociación organizadora di que estes nenos e nenas son os que “simbolizan a continuidade da tradición”.
A música na Alameda o venres 29, vén da man do Grupo Fusión, dende as 22.00 horas.
‘Nais’
O sábado 30 de abril, ás 20:00 horas, no Auditorio Pascual Veiga terá lugar a estrea da comedia ‘Nais’ de Marc Egea e dirixida por Javier Mariño. A historia xira arredor de dúas nais novas, ás que dan vida a coñecida colaboradora do Land Rober Eva Iglesias e a presentadora Inma Morandeira, e que se enfrontan a dúas maternidades moi diferentes. Unha comedia teatral, que tal e como explica Miguel Souto, estrease en Mondoñedo e “de seguro nos fará rir, algo moi necesario tras a situación de pandemia que vivimos”. As entradas están a venda no portal www.woutick.es .
Durante o mesmo sábado, a cidade acollerá outras actividades culturais como o espectáculo de títeres de guante ‘A Familia Unida’ de Mircromina Títeres, ás 17:00 horas, no feiral diante da igrexa dos Remedios.
A verbena do sábado, comezará sobre as 21.30 horas, coa música das orquestras Ritmo Joven (que tamén toca na sesión vermú) e o Grupo EUREKA.
Día grande das festas
O día grande das festas, o domingo 1 de maio, será a xornada na que gocen de especial relevancia os produtos de proximidade e as razas de gando galego. Dende as 9:00 horas, celebrarase a Gran Feira Tradicional de Gando Cabalar no Campo da Feira. Xa ás 13:30 horas será a entrega de premios do concurso de gando.
Celebrarase a XXXVII Festa da Empanada. Nos locais de hostalería mindoniense serviranse tapas deste produto e venderanse empanadas na Alameda. A partir das 12.00 horas, tamén neste enclave terá lugar a VII edición do obradoiro de amasado artesán: elaboración, enfornado e cocido da empanada. Unha actividade aberta a todas as persoas interesadas en coñecer o proceso de elaboración do pan e da empanada, dous dos produtos típicos da cidade.
Ás 11:30 horas, terá lugar a III Xuntanza de Vespas, Lambretas e Clásicas ‘As Quendas’, na Praza da Catedral. Farán un percorrido polas rúas mindonienses ata a Alameda. A inscrición para participar faise nos teléfonos 689 008 073 e 670 801 034. O prezo é de 18 euros e inclúe xantar.
A música corre a cargo da orquestra La Favorita, na Alameda, que tamén ofrecerá sesión vermú.
E como se vén facendo dende 2014, a actividade cultural Mondoñedo é Poesía desenvolverase tamén durante esta xornada convertendo a Mondoñedo o día 1 de maio na capital galega da poesía. Mondoñedo é Poesía chega a súa oitava edición, convocando en Mondoñedo os amantes do verso dito, recitado, cantado, musicado ou visual.
Este ano a programación de Mondoñedo é Poesía inclúe o concerto ‘Cantos de Poeta’ do grupo galego-catalán Gelria, no mesmo auditorio, a partir das 19.30 horas. Gelria, fundado en 2014, pon música a textos de autores clásicos galegos, como Rosalía, Curros ou Cunqueiro e actuais como Manuel Rivas ou Chus Pato. Formación para este concerto: Rubén Fernández (voz), Federico Mosquera (piano), Mario G. Cortizo (percusión) e Pablo Pérez (contrabaixo).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
