Esta medida afecta gravemente ao sector pesqueiro galego e á flota da Mariña
A Mariña, xoves 22 de setembro 2022. O pasado venres 15 de setembro facíase pública a decisión da Comisión Europea de vetar toda a pesca de fondo en 87 áreas da costa do Estado español, Portugal, Francia e Irlanda, expulsando dos seus caladoiros tradicionais a uns mil barcos, moitos pertencentes á flota galega e á flota mariñá, impedindo que os barcos con artes de arrastre, pincho ou volanta poidan faenar nun total de 16.149 quilómetros cadrados dentro dos que se definen 57 zonas consideradas espazos con ecosistemas mariños vulnerables e outras 30 donde non se especifica esa circunstancia pero que se consideran zonas sensibles. Decisión que o propio comisario de Pesca, Océanos e Medio Ambiente, Virginijus Sinkievicius anticipaba xa a finais do pasado 2021 coa escenificación pública do seu apoio á campaña que estaba en marcha naquel momento e que pedía a prohibición da pesca de arrastre.
A nosa flota, exemplo intenacional de boas prácticas
“E desgrazadamente cumpríronse as peores previsións para un sector que xa está sometido a unha estricta regulación e control e que xa non tén permitido tampouco pescar nos lugares donde hai ecosistemas vulnerables. Todos os esforzos da nosa flota pesqueira polo cumprimento da normativa lonxe de ser recoñecidos, son desprezados e demonizados. Unha flota que cumpríu e cumpre de xeito claro e riguroso todas as normativas de aplicación á súa actividade dende os regulamentos europeos ata os estatais ou internacionais así como as súas obrigas pesqueiras en relación cos TACs e cotas de aplicación, obrigacións de desembarque e descartes” manifestaba hoxe o responsable comarcal do BNG Antonio Veiga, que engadía tamén solidarizándose co sector pesqueiro mariñao, que “a nosa é unha flota que é exemplo internacional de boas prácticas e que con esta decisión da Comisión Europea vai ver mermada considerablemente unha parte fundamental dos seus caladoiros, mediante esta medida, totalmente desproporcionada, pouco fundamentada e aplicándoa de xeito indiscriminado para todas as artes e flotas”
O deputado mariñao no Parlmento Daniel Castro pronunciábase tamén ao respecto: “Galicia é a primeira rexión pesqueira europea, e en termos xerais, a frota galega representa ademais case a metade de toda a frota española, pescando en diferentes augas a nivel estatal, europeo e internacional, sendo exemplo de respecto aos convenios e normativas rexionais e internacionais, que no caso europeo, plásmanse na Política Pesqueira Común (PPC), ao tempo que nos últimos anos está a desenvolver iniciativas enfocadas á mellora da sustentabilidade da súa actividade. Non é casualidade que a situación dos caladoiros onde opera a nosa pesca se atope en rendemento máximo sostible”.
Outro golpe á economía da Mariña
Castro manifestou tamén que a aplicación destas medidas podería afectar a máis de 200 pesqueiros galegos, entre os que se atopan moitos barcos de Celeiro e Burela que faenan non só en augas das costas do Estado español senón tamén en Gran Sol e nas costas de Francia e Irlanda dedicándose ao pincho, ao arrastre e á volanta. “Se a pesca é un puntal da economía galega e do emprego, na provincia de Lugo e na Mariña ainda o é moito mais coas potencias pesqueiras que representan os portos de Celeiro e Burela, e máxime no actual contexto de crise industrial e de emprego que atravesa esta comarca”.
Reclamación xudicial contra esta decisión
Os nacionalistas anunciaron a presentación de iniciativas ao respecto en todas as institucións, Congreso, Parlamento Europeo, Parlamento de Galiza, Deputación e concellos. No Congreso dos Deputados Néstor Rego xa presentou unha PNL na que demanda ao Goberno do Estado iniciar de inmediato o procedemento de reclamación por todas as vias posibles, incluída a xudicial, contra esta decisión da Comisión Europea de prohibir a pesca de fondo en 87 zonas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
