O Centro de Saúde de Burela está dotado de dous profesionais de pediatría, “pero a realidade é que dende hai tempo só hai un pediatra porque unha das profesionais marchou a outro destino”
Burela, 6 de outubro de 2022. A Deputada Autonómica do PSdeG pola provincia de Lugo Patricia Otero vén de rexistrar diversas iniciativas no Parlamento de Galicia para reclamar á Xunta que “cubra de xeito urxente a praza de pediatría do Centro de Saúde de Burela, para que teña a capacidade asistencial que ten asignada”.
A socialista lembrou que a Plataforma Sanitaria da Mariña recolleu sinaturas para demandar a cobertura da praza de pediatra, “tendo que ampliar o horario do dispositivo móbil que instalaron para facelo pola avalancha de persoas que acudiron”.
A Deputada lembra que o Centro de Saúde de Burela está dotado de dous profesionais de pediatría, “pero a realidade é que dende hai tempo só hai un porque unha das profesionais marchou a outro destino”. Polo tanto, só atende unha pediatra no Centro de Saúde de Burela para 1.500 nenos e nenas. Esta situación viuse agravada pola ausencia estes días do pediatra que atende aos nenos dos concellos de Xove e Cervo”.
Por todo iso, dende o PSdeG “demandamos ao Sergas que dote dun servizo de pediatría completo ao centro de saúde de Burela, e que remate coa insostible situación que están a vivir as familias, así como tamén a única pediatra que a día de hoxe presta servizos nel”, incidiu a Deputada.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
