Lourenzá, 19 de novembro de 2022. Recentemente o Concello de Lourenzá recibiu un escrito da Asociación Patrimonio Laurentino, que tamén foi enviado aos medios de comunicación, interesándose pola poda das árbores do Cantón e pola invasión de pombas e gaivotas que está a sufrir a igrexa e o mosteiro, ademais dalgunha das vivendas do seu entorno. O Concello de Lourenzá quere responder publicamente a esta asociación “para evitar xerar ningún tipo de alarma entre a veciñanza” e aclara que a poda das árbores do Cantón estase levando a cabo polo Obradoiro de Emprego Serra da Cadeira VII, que está dirixido por un enxeñeiro técnico forestal e supervisado por un monitor coa mesma titulación. A requirimento do Concello elaboraron un informe sobre esta actuación de poda levada a cabo durante o mes de novembro. A elección deste momento aclaran que se fixo seguindo criterios sanitarios, silvícolas, urbanísticos e de limpeza urbana”.
O goberno municipal explica que “como criterio sanitario expoñen que as árbores necesitan un saneamento de copas para evitar deformidades, roturas e condicións propias para a aparición de pragas e enfermidades. O criterio silvícola ten en conta que esta especie arbórea entra nesta época en parada vexetativa, momento no cal a árbore sofre menos a incidencia de feridas e cortes. Como criterio urbanístico enténdese que de deixar medrar esta especie, que pode chegar ata os 35 metros de altura, provocaría un sombreado do entorno e un obstáculo visual importante contra o patrimonio cultural do concello, ademais do perigo que suporía a caída de ramas. E por último o criterio de limpeza urbana contempla que as árbores platanus x hybrida desprenden unha cantidade inxente de folla, o que supón unha molestia para a veciñanza e problemas de acumulación de restos vexetais nas rúas próximas. Este informe presentado polos técnicos do obradoiro remata aclarando que a actuación de poda dos plátanos da Praza Conde Santo se está levando a cabo de xeito correcto tanto en tempo como en forma.
Invasión de pombas e gaivotas
Polo que respecta a invasión de pombas o Concello de Lourenzá “é consciente e sabedor deste problema, que seguramente sexa secular. O Concello leva investido moito diñeiro público en lexislaturas pasadas sen acadar os obxectivos previstos para erradicar esta praga de pombas. Consultáronse varios expertos en pragas deste tipo e de momento non se atopou ningún método eficaz que non sexan os antes empregados, que resultaron inútiles; por suposto tendo sempre en conta a lexislación vixente sobre a materia tanto estatal como autonómica. O problema non debe ser fácil de solucionar vendo como é algo habitual en todas as vilas e cidades do país”.
O goberno municipal engade que “o caso das gaivotas é ben diferente, xa que é unha especie que só nos visita esporadicamente, cando se producen fenómenos de temporal na costa. Consultados expertos na materia sinalan a improbabilidade de que as gaivotas aniñen en localidades de interior, pois para iso deberían permanecer durante unha tempada para a incubación e, como é de dominio público, as visitas desta especie ao noso municipio son esporádicas. Ademais debemos ter en conta, tal e como se recollía este verán nos medios de comunicación, o alarmante descenso da poboación de gaivotas na costa galega”.
Ademais o goberno local quere aclarar que “aínda que o uso dos medios é moi lexítimo, está sempre disposto a resolver as dúbidas e inquedanzas tanto do tecido asociativo como da veciñanza en xeral, agradecendo en particular á Asociación Patrimonio Laurentino a súa preocupación polos problemas que poidan xurdir no noso concello e recordándolles que, como facemos sempre, estamos ao seu dispor”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
