“É a primeira muller candidata do Partido Socialista a unhas municipais en Burela e estou convencido de que será a primeira muller Alcaldesa de Burela, pola súa preparación, capacidade de traballo, pola súa experiencia tanto nestes anos como Concelleira, como pola súa traxectoria anterior, polo contacto e diálogo que mantén cos seus veciños, polo perfecto coñecemento do seu concello, e polo seu compromiso e ilusión”
Burela, 1 de febreiro de 2023. Carmela López Moreno, actual Concelleira de Servizos Sociais e Mar do Concello de Burela, foi elixida como candidata do PSOE á Alcaldía do concello mariñano no seo dunha reunión coa militancia que se celebrou onte na vila e que contou cunha alta participación.
Dado que a Executiva do Partido Socialista en Burela non está constituída, corresponde á dirección provincial realizar a proposta da candidatura ás eleccións municipais do vindeiro 28 de maio. Por iso, convocou unha reunión cos militantes socialistas da localidade, celebrada na tarde noite deste martes na sede burelesa do partido, coa presenza do Secretario Xeral dos socialistas na provincia, José Tomé Roca, xunto á Secretaria de Organización provincial, Pilar García Porto.
No encontro, ao que asistiron un importante número de afiliados e afiliadas, fíxose unha valoración e un análise do traballo realizado no últimos anos polos socialistas, así como dos pasos a dar para fortalecer e dinamizar a agrupación local e para seguir impulsando o futuro do municipio.
Unha análise tras a que se acordou entre todos e todas que a mellor opción para liderar o proxecto do Partido Socialista de cara ás eleccións municipais en Burela e, polo tanto, para encabezar a candidatura é Carmela López Moreno, “que xa vén desempeñando dende hai tempo un gran traballo como Concelleira”, subliñou o Secretario Xeral do PSdeG na provincia.
“Extraordinario labor do Alcalde e o seu equipo”
José Tomé e o conxunto da militancia participante na reunión puxo en valor o “extraordinario labor para mellorar a vida dos veciños e veciñas de Burela e impulsar o desenvolvemento social e económico deste municipio que fixo durante todos estes anos” o Alcalde, Alfredo Llano García, xunto ó de todo o seu equipo de edís, nomeadamente de Carmela López e de Ramiro Fernández Rey, como Concelleiro, responsable de áreas tan determinantes como Obras e Servizos, Deportes, Turismo e Comercio, e como Secretario Xeral da Agrupación de Burela. Fernández Rey xogou un papel fundamental no proxecto socialista en Burela engranando ademais a acción do grupo municipal coa da agrupación socialista.
O Secretario Xeral do PSdeG na provincia de Lugo recalcou que Carmela López “é a primeira muller candidata do Partido Socialista ás eleccións municipais de Burela e estou convencido de que será a primeira muller Alcaldesa de Burela, pola súa preparación, capacidade de traballo, pola súa experiencia tanto nestes anos como Concelleira, como pola súa traxectoria anterior, polo contacto e diálogo que mantén cos seus veciños, polo perfecto coñecemento que ten do seu concello, das necesidades e das oportunidades de Burela, e polo seu compromiso e ilusión”.
Unha vez elixida no seo da reunión celebrada onte coa militancia, Carmela López presentará nas vindeiras datas a súa candidatura aos veciños e veciñas de Burela, nun acto ó que acudirá o Secretario Xeral do Partido Socialista na provincia, José Tomé Roca.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
