Antes de empezar a dar soba, quero poñer claro o que di o dicionario encol de ZASCANDIL: Home informal, enredador, que non para quedo en ningún sitio: non sentará cabeza nunca porque é un zascandil.
Pois cando non hai ideas nin proxectos para demostrar no Parlamento que existe unha alternativa coherente e razoable, todo vale e, calquera pillo é capaz de saltar ó rodo do verán, para demostrar ó seu xeito o agarimo a sua ESPAÑA¡¡¡.
Desta forma o patriota, que no seu momento foi capaz de cambiar o nome a ETA, para negociar co “Grupo armado de liberación Vasco” e dicir máis tarde que o seu goberno nunca negociou con ETA, ponse en marcha para zascandilear por Melilla.
Trátase do mesmo que non dubidou en lucir, perante a voda da súa filla, xunto aos coleguillas agora procesados polo caso Gürtel.
Nada menos que o Presidente dun Goberno que xunto ao seu ministro Trillo, fora capaz de entregar os corpos dos soldados españois mortos en acto de servizo, nun accidente claramente evitable, sen identificar, facilitando a unhas familias restos alleos.
O tipo que non tivo nada que obxectar sobre o aborto durante o seu mandato, para logo rasgarse as vestiduras.
Quen trataba de colocarse unha medalla en Estados Unidos, pagando a xestión “meritoria” con diñeiro dos cidadáns españois.
O espécime que tanto utilizaría como argumento electoralista o caso GAL, pero que cando o xeneral Sáenz de Santa María anunciou que acudiría á Comisión de Investigación, creada no Parlamento para aclarar a orixe dos GAL, para dicir clara e rotundamente canto en función do seu cargo coñecía, decidiu suspender a comisión ao entender que a verdade non se axustaba ó seu guión.
O señorito que non dubidou en ser protagonista e participar nunha guerra, en contra das resolucións de Nacións Unidas, co argumento dunhas armas de destrución masiva, que os seus propios aliados recoñeceron como mentira.
O mesmo mentireiro que tras o acto terrorista máis tráxico sucedido en España o 11 M, tratou de manipular sen escrúpulo algún, en beneficio do seu partido e o seu propio, por iso de que a conciencia xoga malas pasadas, mantendo, unha vez que xa estaba claro a orixe Islamita do atentado, que fora obra do “Grupo armado de liberación Vasco”, coñecido polo resto de españois como ETA.
Ese personaxe tan recoñecido e admirado por algúns, interrompe as vacacións para zascandilear por Melilla, localidade que, precisamente, non visitara perante os seus oito anos de Presidente de Goberno, por iso de “apoiar” á súa querida ESPAÑA¡¡¡.
Otero Regal
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
