A conselleira de Promoción do Emprego e Igualdade, María Jesús Lorenzana, inaugurou hoxe a nova oficina de asesoramento personalizado e continuo ás persoas emprendedoras que comezará desde mañá a prestar servizo
Mondoñedo, 3 de abril de 2023. A conselleira de Promoción do Emprego e Igualdade, María Jesús Lorenzana, inaugurou hoxe un novo Polo de emprendemento e apoio ao emprego, que se emprazará en Mondoñedo, e que desde mañá prestará servizo aos 15 concellos das comarcas A Mariña Central, Occidental e Oriental. Lorenzana puxo en valor esta nova oficina de asesoramento personalizado e permanente ás persoas emprendedoras, xa que explicou que o tecido autónomo na Mariña Lucense é “unha forza tractora da comarca”, tal e como o reflicten os datos: as 6.878 persoas traballadoras autónomas desta zona representan o 32,8% da provincia de Lugo.
A titular de Promoción do Emprego sinalou que con este novo polo aumentarase a cobertura da Rede a case o 70% do territorio e lembrou que o obxectivo é que antes de que remate 2023 se amplíe ata o 100% coa posta en marcha de 15 polos. Na provincia de Lugo haberá un total de cinco: ao da Mariña sumánse o de Monforte de Lemos, o da Fonsagrada, Friol e o da cidade de Lugo.
En palabras de Lorenzana, o apoio da Xunta ao emprendemento en Galicia é “indiscutible” con 120 millóns de euros este ano de recursos económicos a políticas de emprendemento, traballo autónomo e economía social.
Para rematar, recordou que a Rede de polos de emprendemento e apoio ao emprego da Xunta é unha iniciativa que forma parte de Xempre Contigo, a nova estratexia autonómica de emprego coa que se busca levar a cabo unha renovación das políticas públicas de emprego para dar resposta ás necesidades emerxentes do mercado laboral e para conseguir máis e mellor emprego para as galegas e galegos.
A conselleira remarcou que é unha estratexia que pon o foco nas persoas, centrándose nas capacidades e traballando para mellorar as oportunidades profesionais. “A Rede de polos contribúe a este fin porque ofrece proximidade ao traballo que os actores locais, o tecido empresarial e os emprendedores fan das súas contornas”, rematou.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
