Viveiro, 11 de maio de 2023. O Concello de Viveiro acolle esta fin de semana a quinta edición do Rallye da Mariña Lucense, un dos grandes acontecementos deportivos na costa lucense que se celebra durante a noite de mañá venres e o sábado día 13 e que foi presentado esta tarde en O Vicedo.
Viveiro, xunto a O Vicedo, Xove, Cervo, Ourol e Muras serán os escenarios polo que descorra esta terceira proba do Campionato Galego de asfalto que prevé reunir a máis de 15.000 fieis do automobilismo xunto a 85 pilotos de 36 escudarías, incluídos os grandes nomes deste deporte en Galicia como Víctor Senra e Alberto Meira.
Viveiro exercerá un ano máis de base deste rallye. O parque de traballo estará situado na Avenida Ramón Canosa, en Celeiro, nos viais ao redor da piscina e do parque de bombeiros coa chegada dos primeiros coches na xornada do venres. Pola súa banda, as verificacións técnicas e os reagrupamentos realizaranse no aparcadoiro Grallal na praia de Covas.
Ambas zonas sufrirán restricións e cortes de tráfico dende hoxe xoves, a partir das 23:00 horas, ata o sábado durante todo o día, mentres que quedará prohibido estacionar na explanada do pavillón xa dende as 21:00 horas de hoxe ata aproximadamente as 10:30 horas do sábado.
A cerimonia de saída será mañá venres, a partir das 20:00 horas, nas rúas da Praza Maior, onde de situará un podio polo que pasarán todos os participantes.
Xa o sábado, a Travesía da Mariña acollerá tamén a cerimonia de chegada e a entrega de premios, que está previsto para as 23:30 horas.
Na Travesía prohibirase estacionar en ambas marxes da estrada dende as 16:00 horas de mañá ata o domingo ás 01:00 horas, mentres que a circulación estará interrompida o venres dende as 19:15 ata as 22:00 horas, e o sábado dende as 19:30 ata a 01:00 horas do domingo, aproximadamente.
“É un pracer que Viveiro volva ser a base e o centro neurálxico deste rallye que supón un dos acontecementos deportivos máis seguidos e con máis público dos que acollemos ao longo do ano”, afirmou a alcaldesa María Loureiro no acto desta tarde.
“Dende o grupo de goberno apostamos polo deporte en todas as súas modalidades e estamos orgullosos de poder conxugar o que é a difusión de todas as súas disciplinas coa promoción turística do noso concello e do conxunto da Mariña”, engadiu a rexedora.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
