Trátase dunha oportunidade de revitalización do medio rural, composta por vivendas colaborativas con sercicios sociosanotarios comunitarios
Alfoz, 24 de maio, 2023. O fomento da construción e rehabilitación de barrios con destino a solucións residenciais modelo “cohousing”, destinadas á terceira idade, con espazos comúns e de interacción e dotados dos correspondentes servizos sociosanitarios comunitarios, é unha das innovadoras apostas que VIA Alfoz inclúe no seu programa de goberno. Segundo indican desde VIA Alfoz, «trátase dunha aposta que soluciona dúas das principais necesidades do noso concello, a calidade de vida dos nosos maiores e a loita contra o despoboamento».
Desde VIA Alfoz recordan que preto de 300.000 galegos maiores de 65 anos viven en soidade, «unha realidade que podemos ver en Alfoz». Pola contra, o “cohousing” é unha oportunidade de revitalización das zonas rurais, composta por vivendas colaborativas onde «os nosos maiores poden vivir de forma independente pero contando con servizos e coidados comunitarios», converténdose así nunha ferramenta eficaz na loita contra a soidade dos nosos maiores, moitas veces non desexada, e que serán, no futuro, unha alternativa ao modelo de residencias de maiores ata agora vixente. O “cohousing” sénior está pensado para maiores que sexan autónomos ou cun grado de dependencia leve e propón unha maior independencia e intimidade que os centros de maiores, «deixando o modelo de xeriátricos para coidados a dependentes», subliñan desde VIA Alfoz.
Esta proposta, incluída no programa de goberno de VIA Alfoz, poñería a Alfoz á vangarda das iniciativas de innovación social no rural que, a través de da alianza das diferentes administracións, e co obxectivo de loitar contra o despoboamento do rural, «fixaría poboación e favorecería a actividade económica local». Segundo indican desde VIA Alfoz, «é unha oportunidade que non podemos deixar pasar», e que está incluída nas propostas para loitar contra o despoboamento do rural incluídas no Plan de Recuperación, Transformación e Resiliencia, dotado de fondos europeos.
Esta iniciativa, xunto coa creación dunha residencia e un centro de día, foi exposta no mitin central de campaña cara ás eleccións locais do vindeiro domingo 28, que contou coa intervención de Efigenia Maseda, candidata á alcaldía por Via Alfoz, así como de Eliseo Lorenzo, Judit Casabella e Xabier Pardiñas, números dous, tres e catro da candidatura de VIA Alfoz, respectivamente, e no que se presentaron as 50 propostas do programa de goberno para a lexislatura 2023/2027.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
