Eugenia Requeijo lembra como exemplo da mala xestión do goberno local “a instalación de cargadores para vehículos eléctricos que non funcionan” e condena que “o alcalde pague unha invitación en barra con cartos do Concello”
Muras, 26 de maio de 2023. “Muras precisa un cambio para un goberno que trate a todos por igual”. Así o defende a candidata do Partido Popular á alcaldía, Eugenia Requeijo, no último día da campaña electoral no que pide o “voto de confianza” á candidatura popular que, “dende a humildade, a cercanía e, sobre todo, o cariño ao pobo e aos nosos veciños e veciñas, queremos traballar por Muras e todos os murenses”.
Os populares defenden que “o futuro de Muras témolo que construír entre todos” e por iso están a “escoitar as propostas da xente para facelas realidade”. Eugenia Requeijo comprométese a traballar en equipo -non só cos membros da candidatura, senón tamén cos veciños e veciñas- segundo criterios de responsabilidade e organización”.
Mentres o PP de Muras “está a traballar cos recursos que temos, o alcalde e candidato do BNG á alcaldía dedícase a difundir noticias falsas sobre a candidata popular. Iso o que demostra é que está nervioso”. Eugenia Requeijo aclara que “unha das propostas do noso programa electoral é precisamente a relativa ás axudas da luz; así coma outras dirixidas a estudantes ou a fomentar a natalidade”. E, ademais, lembra que “no pleno extraordinario do 13 de decembro de 2022, o Grupo Municipal Popular votou a favor das axudas” incidindo, incluso, na necesidade de incrementar o importe ante a subida da factura nos últimos tempos.
A popular lamenta que, “ademais de levar a cabo unha mala xestión que podemos apreciamos tódolos veciños, menta unha vez máis para intentar sacar rédito electoral”. Á marxe de valoracións, a candidata do PP cita feitos que demostran a “falta de criterio do BNG” á hora de desenvolver proxectos en Muras como é “desaproveitar unha parte da axuda do canon eólico do 2021 para instalar cargadores para vehículos eléctricos que non están funcionando e só os pode empregar o coche do Concello”. Son, polo tanto, “un espejismo”, di.
Eugenia Requeijo ten explicado tamén en varias ocasións que “o alcalde nacionalista non é tan transparente como presume” xa que dificulta o máximo posible o acceso da oposición á información á que ten dereito; e, ademais, “ten certos comportamentos que non compartimos para nada”. Pon como exemplo “cargar nunha factura do Concello unha invitación en barra. Aínda que o importe non é elevado -6,80 euros-, cremos que non debe usar os cartos do Concello, que son de todos, para este tipo de cousas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
