Burela, 27 de xuño, 2023. Este martes 27 de xuño celebráronse en Nantes (Francia) as Asembleas Xerais do Consello Consultivo de Augas Sur Occidentais, que é un dos sete Consellos Consultivos Rexionais incluídos na reforma da Política Pesqueira Común de 2002, e que ten como meta fomentar unha maior participación de todos os actores do sector para alcanzar os obxectivos de pesca sostible fixados na PPC.
Na súa Asemblea Ordinaria validáronse as contas e actividade do exercicio 2022-23 e presentouse o novo programa de traballo e orzamento para 2023-24. As Asembleas Extraordinarias convocáronse para a renovación dos 25 representantes do Comité Executivo e os cargos de vicepresidentes e presidente, que agora ostentará o actual xerente da OPP-7 Burela.
Sergio López García convértese así no terceiro presidente do CC SUR, substituíndo no cargo a Aurelio Bilbao Barandica, xerente de Opescaya e das Confrarías de Pescadores de Biscaia, que o presidiu nos últimos 12 anos, tras Victor Badiola, que foi o primeiro presidente entre 2007 e 2011.
As súas primeiras palabras foron de agradecemento e que asume “o cargo con ilusión e o reto de conseguir a maior participación e consenso posible nun momento clave para o futuro do sector pesqueiro fronte as actuais tendencias políticas que ameazan a actividade”.
O novo presidente do CC SUR referiuse ás potencialidades dun sector que achega a proteína animal máis sa, con menor pegada de carbono e nula pegada hídrica; que xera riqueza e emprego en zonas afastadas dos centros industriais; e que é un claro exemplo de conservación do medio mariño, o seu medio de vida.
Finalizou a súa intervención cunha alegación en favor da pesca, do “Amor ao Mar” e facendo un chamamento a todos os axentes, pedindo que todos asuman a bandeira do coñecemento (tanto científico como do know-how das xeracións), o debate e o consenso: “A unión de todos é necesaria nun momento como o actual”.
Sergio López García é licenciado en ciencias económicas, con máis de dez anos de experiencia representando ás confrarías de pescadores en Galicia, e desde xaneiro de 2017 é o xerente da Organización de Produtores Pesqueiros do Porto de Burela, entidade que representa buques pesqueiros de diversos tipos, pero onde destacan as frotas palangreiras de fondo, que capturan con anzol a pescada en augas europeas, e de superficie, que capturan peixe espada no Atlántico.
O Consello Consultivo de Augas Sur Occidentais, cuxa sé está en Lorient (Francia), cobre a vertente atlántica desde Bretaña ata o Estreito de Xibraltar, as zonas CIEM VIII, IX e X; e realiza un papel de interlocutor para contribuír a acadar os obxectivos de pesca sostible fixados na Política Pesqueira Común, facendo recomendacións á Comisión Europea e aos Estados Membros mediante ditames que deben ser o resultado dun consenso entre o sector pesqueiro e a sociedade civil.
Dos dez Consellos Consultivos existentes, o CC SUR é o que posúe máis membros da Comisión Europea, estando formado na actualidade por 84 entidades dos cinco Estados Membros: Portugal, España, Francia, Bélxica e Países Baixos; sendo o 60% do sector pesqueiro (organizacións de produtores, confrarías, transformadores, comercializadores) e o 40% da sociedade civil (consumidores, Ong medioambientalistas, asociacións de mulleres ou pesca recreativa) cunha representación proporcional entre os diferentes países.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
