O programa do centro de Servizos Sociais do Concello desenvolveuse entre o 12 de xullo e o 30 de agosto, e participaron nel 15 nenas e nenos e 6 voluntarias e voluntarios
Viveiro, 31 de agosto de 2023. O Concello de Viveiro acolleu a festa de despedida do programa de Apoio Educativo, Lecer e Tempo libre para a cativada, impulsado polo departamento de Voluntariado dos Servizos Sociais do municipio.
A alcaldesa de Viveiro, María Loureiro, acudiu á celebración, na que destacou “a gran diversidade de actividades realizadas cada verán como parte deste proxecto, que pon en valor a inclusión e a igualdade entre todas as nenas e nenos”.
No programa, que se celebra todos os veráns en Viveiro, participaron 15 nenas e nenos e 6 voluntarios e voluntarias entre o 12 de xullo e o 30 de agosto.
Nel desenvolvéronse actividades relacionadas co medio ambiente, o consumo responsable ou a alimentación saudable. Para elas contarón coa colaboración tanto coas entidades públicas como con empresas relacionadas con estes ámbitos.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.