Ribadeo, 31 de agosto de 2023. Segue en Ribadeo o XII Fórum de Innovación e Formación sobre Vehículos, organizado por Apaga. A asociación celebrou neste marco a súa asemblea anual na que foi aprobado o plan estratéxico para os vindeiros dous anos.
O presidente de Apaga, Álvaro Doural, explicou que “a asemblea anual da asociación dividiuse en dúas partes totalmente diferenciadas. Por unha estivo a elección de nova xunta directiva e por outra o plan estratéxico para os próximos dous anos. Ademais aprobouse o exercicio económico de 2022 e informouse tamén da situación neste momento dos proxectos europeos que están en marcha, os que foron aprobados este ano e hai un novo proxecto de mobilidade e un proxecto sobre a tecnoloxía do hidróxeno”.
Doural seguirá á fronte de Apaga: “á elección de nova xunta directiva, presentouse soamente unha candidatura que está formada pola mesma xente que estamos neste momento. Hai un proceso de continuidade; é dicir, elección dos tres cargos principais. O secretario segue sendo Juan José Martínez Fernández, profesor dun instituto de Murcia, o tesoureiro, que é Francisco Javier Rodríguez Fanego, profesor do CIFP Porta da Auga, de Ribadeo, mais eu, que son Álvaro Doural, como presidente. Queda por ampliar o resto do equipo, pero en principio quedou escollido o que forma o núcleo principal da asociación e nos próximos días formarase o equipo de xestión, segundo o organigrama que temos na entidade”.
O presidente de Apaga subliñou que “se vai programar unha nova formación tendo en conta cara onde vai o mundo do automóbil: vehículos eléctricos, novos combustibles, sostenilibidade, os sistemas de comunicación,… todas estas novas tecnoloxías que neste momento se están a incorporar e imos plantexar ese tipo de formación”.
E engadiu: “tamén se valorou a proposta da Asociación Española de Fabricantes de Automóbil. É unha petición que fixo para a incorporación de Apaga a esa asociación. Neste momento nós pediremos información e vaise valorar a incorporación a esta asociación como tamén á Asociación de Usuarios de Vehículos Eléctricos, que é outra petición que se nos cursou tamén. En xeral, este plan estratéxico aborda os sistemas principais do que vai ser o automóbil a partir destes próximos anos e queremos planificar unha formación tanto para profesores como técnicos de empresa”.
O XII Fórum de Innovación e Formación sobre Vehículos séguese a celebrar en Ribadeo ata mañá. Onte o medio cento de participantes asistiu á recepción ofrecida no Concello e hoxe pola tarde irán en barca desde Ribadeo ata Ría de Abres, onde gozarán dunha merenda campestre.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
