Oleiros, 14 de novembro de 2023. A sede da Fundación Juana de Vega acolleu a pasada semana a entrega do Premio Juana de Vega de Intervencións na Paisaxe 2023, na categoría “Intervencións privadas no patrimonio construído e na súa contorna” ao estudio ourensán MOL Arquitectura pola súa obra do hotel Acouga, situado na rúa Emilia Pardo Bazán, 6 de Celanova (Ourense). O xurado valorou a calidade e a sensibilidade da recuperación deste inmoble, a súa integración na contorna e a posta en valor dos elementos construídos. Tamén tivo en conta a sostibilidade, a economía dos materiais, o emprego de madeiras locais e a elaboración tradicional realizada por artesáns da zona.
Tal e como recolle o Convenio Europeo da Paisaxe, as paisaxes cotiás, incluídas as urbanas, son clave para a maior parte da poboación e a súa calidade debe ser mellorada e conservada. Neste sentido, a nova vida dada a un edificio con máis de cen anos de historia, tendo en conta composición, cuberta, fachada, carpintería, interiores e integración de materiais, etc., “ofrece unha visión atractiva e unha mellora tanxible da calidade da paisaxe urbana xa que pon en valor a rica historia de Celanova”, sinala o xurado. Faino tanto na súa fachada principal sobre unha rúa importante, como na súa parte traseira, situada fronte ao xardín do parque do Mosteiro de San Rosendo e a súa capela mudéxar.
No que respecta á sostibilidade, durante a execución da reforma, o estudo tiña como obxectivo reducir o impacto medioambiental do inmoble. Por iso optou por madeira e materiais ecolóxicos con pegada de carbono negativa como pinturas e arxilas, illantes de fibras de madeira ou revestimentos de castiñeiro e pino de Galicia. Tamén elixiu sistemas de aerotermia e iluminación LED con regulación para mellorar a eficiencia enerxética.
Homenaxe aos poetas celanovenses
A maiores, e como sinalan os autores, para “reescribir unha nova páxina na historia deste fermoso edificio”, quixeron realizar unha homenaxe aos poetas celanovenses. En cada habitación pode lerse un poema dalgún dos autores que naceron na vila milenaria de San Rosendo: Manuel Curros Enríquez, Castor Elices, Celso Emilio Ferreiro, Xosé Velo Mosquera, Xosé Luís Méndez Ferrín, Paulino Vázquez e Baldo Ramos.
O estudo de arquitectura e urbanismo MOL foi fundado en 2002 por Cecilia L. Muíños, Juanjo Otero e Luis Ángel López
Accésit para unha sidraría
O accésit foi outorgado a Manuel Eduardo López Vázquez e a Belinda Yepes Jiménez, do estudio lucense Kenda Urbanismo y Territorio, polo seu traballo na rehabilitación integral da Adega Pedro Leivas, situada en Espasante de Arriba, no concello de Riotorto (Lugo) e dedicada á produción de sidra a partir de maceiras autóctonas. O xurado valorou que a actuación pode ser modelo de inspiración en comarcas similares polo seu emprego de recursos naturais locais. Tal e como sinalan os autores “hai que achegarse con humildade ás arquitecturas máis sinxelas e populares. Arquitecturas sen mestre, sen autor pero, por mor da necesidade, ben apegadas ao medio. Respectuosas coa paisaxe e co ecosistema”.
Neste proxecto, realizado con economía de medios, prima a acertada integración da sidraría coa topografía da paisaxe para configurar espazos a diferentes niveis, ofrecendo unha percepción interesante e cromática, de texturas e de volumes. Neste sentido, o xurado tamén valorou o respecto ás construcións tradicionais e á vexetación preexistente como o gran carballo integrado no peche.
Visita do xurado a Celanova e a Riotorto
A finais de setembro pasado, o xurado desprazouse ata cada un dos proxectos para valorar o traballo realizado in situ. Nesta edición, o presidente do xurado foi o arquitecto portugués, Gonçalo Byrne, e o secretario, o director da Escola Galega da Paisaxe Juana de Vega, Pedro Calaza Martínez, quen ademais é doutor Enxeñeiro Agrónomo e doutor Arquitecto da Paisaxe.
Os 6 vocais foron María Isabel Iglesias Díaz, doutora en Ciencias Biolóxicas e profesora titular do departamento de Produción Vexetal e Proxectos da Enxeñería da Universidade de Santiago de Compostela; Teresa Táboas Veleiro, doutora arquitecta e vicepresidenta da Unión Internacional de Arquitectos; Covadonga Carrasco López, arquitecta en CREUSeCARASCO, con varios galardóns, entre eles o Premio Juana de Vega de Intervencións na Paisaxe, categoría de vivendas unifamiliares, e o Premio da Bienal de Venecia pola Remodelación do porto de Malpica. Tamén foron vogais Encarna Otero Cepeda, historiadora e membro do Padroado do Museo do Pobo Galego; Jesús Sánchez García, catedrático de Historia da Arte da Universidade de Santiago de Compostela, e Enrique Sáez Ponte, presidente da Fundación Juana de Vega.
Histórico
O Premio Juana de Vega de Intervencións na Paisaxe consta actualmente de tres categorías que, desde 2015, se convocan cada ano de forma rotativa. Son “Intervencións privadas no patrimonio construído e na súa contorna” (convocado neste 2023), “Intervencións en espazos exteriores” (convocado no ano 2022) e “Vivendas unifamiliares” (convocado en 2021).
O obxectivo xeral do galardón promovido pola Fundación Juana de Vega é recoñecer aqueles proxectos que contribúan a mellorar a calidade dos elementos que configuran a paisaxe de Galicia e sirvan de referencia social para futuras actuacións en cada un dos seus ámbitos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
