Burela, 9 de decembro, 2023. Esta tarde ás 18.45h no pavillón municipal Vista Alegre de Burela xogábase a 12ª xornada da Segunda División de Futsal, Pescados Rubén Burela FS – Oleoinnova Mengíbar FS, con arredor de 700 espectadores e retransmitido por streaming a través de a páxina web e canle de Youtube do club de fútbol sala laranxa. O conxunto laranxa logrou puntuar unha xornada máis manténdose en cuarta posición na táboa a un punto de O Parrulo Ferrol, nunha tempada moi competida na Segunda División de Futsal.
Comeza o partido cun “Uy!” que ecoa en Vista Alegre na primeira xogada, e marcando a dinámica da primeira parte, na que ningún dos dous equipos logra puntuar aínda que si xerar oportunidades, especialmente o equipo local, que foi superior durante todo o encontro presionando durante os 20 minutos pero atopándose cunha moi boa defensa do equipo visitante. Entre outras, unha das máis claras, un disparo de Lucho no minuto 17 que desvía Jorge tras un pase longo de Isma desde o campo contrario. Tras o saque de esquina, Malaguti volve tentalo cun disparo certeiro que volve atoparse co porteiro do equipo rival.
Na segunda parte o Pesados Rubén Burela FS continúa con bo ritmo, a pesar da expulsión con vermella directa a Álex García no minuto 21. No 25 Charly dispara a portería rozando o pau tras un pase de Nico Rosental e no 28 volvemos poñernos en pé ante un tiro de Lucho con asistencia de Malaguti, que sae fóra. E por fin chega o primeiro tanto do encontro no minuto 30, Ismael aproveita un rexeite tras un saque longo de Michal. No 34 o Mengíbar comeza a presionar con porteiro-xogador, pero no mesmo minuto, de novo, o cordobés volve aparecer nun contragolpe tras ou pase de Lucho anotando o 2-0. Continúa a presión con xogo de 5 pero non é fácil bater á mellor defensa da Segunda División e no minuto 39 chega o 3-0 cun gol de Isma a porta baleira.
Na próxima xornada o Burela vivirá un dos encontros máis complicados da tempada, ante o Sala 5 Martorell en terras catalás, unha cancha moi complicada na que esperan poder continuar puntuando e afianzando a posición nos postos altos nesta primeira volta.
Ficha Técnica Pescados Rubén Burela FS – Oleoinnova Mengíbar FS
Pescados Rubén Burela FS (): M.Kaluza; Lucho, Quelle, Isma, Malaguti -quinteto inicial-, Nico Rosental, Alberto, Flethes, Álex García, Charly, Ismael, Iago López, Mika, Unai.
Oleoinnova Mengíbar FS (): Jorge; Ureña, Colacha, Tortu, Miguelao -quinteto inicial-, Luque, Ruano, Puerma, D.Martín, Álex Lérida, Karim, José Gómez e Isma Vacas.
Goles: 1-0, min.30: Ismael. 2-0, min.34: Ismael. 3-0, min.39: Isma.
Árbitros: Francisco Javier Marazuela Hernando, Sergio Toral Heredia, Óliver Cardero Rodríguez, Patricia Doval Rodríguez.
TA: Charly, David Rial, Isma, Jorge, Ureña, Luque, Tortu (doble), Antonio Arenas (doble), José Gómez, Asensio Moreno.
TR: Álex García.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
