O monfortino estrearase mañá no Pleno do Congreso cun tema de grande interese para a provincia como é se o Goberno está disposto a manter os compromisos asumidos para garantir que Altri se asente en Palas de Rei
Madrid, 12 de decembro de 2023. O deputado no Congreso por Lugo, Francisco Conde, vén de ser elixido esta mañá presidente da Comisión Mixta para a Unión Europea. Trátase do órgano, no que están representadas as dúas Cámaras parlamentarias, e que é o encargado de facer seguimento da actividade lexislativa e outras actuacións da UE, como poden ser os fondos Next Generation.
Deste xeito, o monfortino, que en días pasados foi nomeado voceiro de Industria na Cámara Baixa, asume a nova responsabilidade “co compromiso e o rigor que esixe”, pois, di, “o desenvolvemento deste fondos e o seu reparto ás Comunidades, son cruciais para o desenvolvemento dos territorios dende o punto de vista da recuperación económica e a sostibilidade”.
Tal é así que, segundo avanza, a primeira comparecencia en dita Comisión versará sobre este asunto. Ademais de por Conde como presidente, dito órgano está integrado por outros 38 membros dos respectivos grupos políticos con representación no Congreso e do Senado, tal e como figura no documento que se adxunta.
A PROVINCIA E ALTRI, PROTAGONISTAS NO PRIMEIRO PLENO COMO VOCEIRO DE INDUSTRIA
O lucense, que agradece a confianza depositada na súa persoa para presidir este órgano e, dun xeito especial, o apoio da dirección nacional, representada en Alberto Núñez Feijóo, e no voceiro en dita Cámara, Miguel Tellado; estrearase mañá no Pleno do Congreso cunha pregunta ao novo ministro de Industria, Jordi Hereu, a través da que demandará ao Goberno que concrete se está disposto a manter os compromisos asumidos polo seu predecesor no cargo para garantir que a empresa Altri se asente en Palas de Rei.
Concretamente, Francisco Conde interesarase pola viabilidade deste proxecto que está centrado na sostibilidade e o fomento da economía circular, e que permitirá producir en España o 3% da produción mundial de fibras sostibles e suporá un investimento de máis de 900 millóns de euros e a creación de 2.500 empregos.
“O Goberno de Alfonso Rueda fixo os deberes, declarando esta iniciativa como proxecto industrial estratéxico e a empresa tamén, pois xa está rematado o proxecto e o estudo de impacto ambiental, prevendo que, no primeiro semestre de 2024, a planta xa dispoña de autorización administrativa para comezar a construción no municipio lucense. O Goberno é coñecedor desde o primeiro momento da importancia deste proxecto e a prioridade que desde Galicia se lle deu”. Por iso, engade, “agardamos que a resposta do ministro arroxe luz, dado que xa pasaron máis de dous anos dende que se remitiu o proxecto ao Executivo e os galegos seguimos sen ningún tipo de avances”.
Neste senso, lembra que foi o anterior responsable ministerial o que se comprometeu a poñer todos os instrumentos para sacar adiante os grandes proxectos tractores para a Comunidade, sabendo que isto pasa por, primeiro, a posibilidade de obter axuda no marco dos fondos de recuperación e, segundo, a solución da interconexión eléctrica; ambas competencia do Goberno do Estado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
