A Xunta de Goberno aprobou sacar a contratación o subministro do material, co que promove a transformación dixital das entidades locais e que poidan prestar así un mellor servizo á veciñanza. Nas vindeiras semanas licitará servizos por outros 2,3M€, co que completará o investimento de 4,5M€ co que está dotado en total o proxecto
Lugo, 29 de decembro de 2023. A Xunta de Goberno da Deputación de Lugo aprobou este venres a licitación, por un importe de preto de 2,2M€, do subministro do primeiro lote de equipamentos e servizos tecnolóxicos que, unha vez adquiridos, a institución provincial proporcionará de maneira gratuíta aos 52 concellos da provincia que decidiron adherirse ao programa Impulsa TIC.
Un proxecto que, como explicou a Voceira socialista do Goberno, Pilar García Porto, a Deputación puxo en marcha “grazas aos fondos que conseguimos da Unión Europea, e que ten como obxectivo colaborar cos concellos para avanzar na súa transformación dixital e, polo tanto, ofrecer un mellor servizo aos veciños e veciñas”.
En concreto, o material que a Xunta de Goberno aprobou licitar servirá para mellorar a eficiencia dos servizos básicos da Administración dixital e favorecer as sinerxías e a colaboración entre entidades; a creación de oficinas municipais de prestación de servizos electrónicos aos cidadáns; a integración dos sistemas de tramitación municipais cos sistemas de padrón e contable; e a implantación dun sistema de automatización e dixitalización dos plenos municipais.
“Nas vindeiras semanas aprobaremos a licitación de material por outros 2,3 millóns de euros, co que completaremos o investimento de 4,5 millóns de euros co que está dotado en total o programa Impulsa TIC”, explicou García Porto, quen engadiu que, unha vez licitados e adxudicados todos os equipos e servizos, a Deputación procederá á súa distribución entre os 52 concellos que decidiron sumarse a este proxecto.
A Deputada lembrou que “todo o material atende á realidade e ás necesidades” que os propios concellos lle trasladaron á institución provincial, e que se seguiron criterios obxectivos para a súa distribución, dun xeito semellante ao Plan Deputación.
Dúas novas edicións do Coñece a túa Provincia
Por outra banda, a Xunta de Goberno acordou licitar a prestación dos servizos do programa Coñece a túa provincia durante os anos 2024 e 2025 por un importe de preto de 440.000€. Durante estas dúas tempadas, a Deputación ofrecerá en total preto de 5.000 prazas con este programa de viaxes gratuítas pola provincia das que poden beneficiarse as entidades sen ánimo de lucro que teñen a súa sede nalgún dos 67 concellos lucenses.
“Arrancamos o Coñece a túa Provincia no ano 2021 cunha gran acollida, e dende entón, nas tres edicións que sacamos adiante, participaron case 8.000 persoas e 358 colectivos, co que conseguimos un retorno económico estimado de medio millón de euros no territorio, sobre todo no sector hostaleiro, turístico e comercial”, valorou García Porto, que trasladou a satisfacción do Goberno coa marcha desta iniciativa coa que “buscamos fomentar o coñecemento da riqueza patrimonial da provincia entre os propios veciños e veciñas e, ao mesmo tempo, dinamizar a economía local”.
Rutas fluviais e mantemento de zonas verdes
A Xunta de Goberno tamén aprobou hoxe a renovación de dous encargos á empresa pública Tragsa, como medio propio da Deputación. Por unha banda, o encargo para a prestación do servizo de rutas fluviais en catamarán pola Ribeira Sacra durante o vindeiro ano 2024, prorrogable por outros tres anos, por un importe económico de case 850.000€. Unha decisión que, segundo recalcou García Porto, permitirá manter “un servizo público de calidade, moi atractivo, que está sendo clave na oferta turística da Ribeira Sacra e tamén do conxunto da provincia”.
Lembrou a Voceira socialista e Deputada de Turismo os datos “tan positivos” da temporada 2023, “na que conseguimos bater o récord de pasaxeiros, superando as 60.400 persoas que decidiron desfrutar da Ribeira Sacra a bordo dos catamaráns da Deputación de Lugo”.
Por outra banda, a Xunta de Goberno acordou renovar o encargo a Tragsa para a conservación e o mantemento das zonas verdes de titularidade provincial durante o 2024 e o 2025, prorrogables por outros dous anos máis, por un importe de 1,9M€. A Deputación ten 82 hectáreas de zonas verdes repartidas en 39 espazos de 19 concellos da provincia: Lugo, A Pontenova, Antas de Ulla, Barreiros, Chantada, Friol, Mondoñedo, Monforte de Lemos, O Incio, Navia, O Saviñao, Paradela, A Pastoriza, Portomarín, Quiroga, Sober, O Corgo, Rábade e Quiroga.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
