“É unha aposta pola mocidade, combinada coa admiración pola experiencia”, segundo afirma Candia. A media de idade sitúase entre os 40 e os 50 anos, sendo a máis nova a presidenta de Novas Xeracións de Galicia que, con tan só 22 anos, ocupa o número 10
Lugo, 15 de xaneiro de 2024. A presidenta provincial, Elena Candia, encabeza unha lista renovada nun 68% ás eleccións do Parlamento de Galicia. A lista está integrada por 14 titulares e 5 suplentes, dos que tan só repiten seis con respecto á anterior lexislatura, e que son: Elena Candia, Cristina Sanz, Raquel Arias, José Manuel Balseiro, Encarna Amigo e Katherinie Varela. O 13 restantes incorpóranse por primeira vez.
Son 10 mulleres e 9 homes con profesións variadas e todos con ampla experiencia en política, ao seren concelleiros en distintos municipios da provincia. Son perfís que, en palabras da presidenta provincial, representan “ao municipalismo e tamén aos distintos sectores, como son o tecido económico, o agrario e mesmo o sanitario”. En definitiva, afirma, “compañeiros moi pegados ao territorio”.
APOSTA POLA MOCIDADE, COMBINADA COA EXPERIENCIA
A lista é “unha aposta pola mocidade, combinada, di, “coa admiración pola experiencia”. Destaca a presidenta de Novas Xeracións de Galicia con 22 anos, que ocupa o posto número 10, e o número 8 con 34 anos. O de maior idade é o ex alcalde de Paradela, José Manuel Mato, que figura no número 5, e acumula tras de si doce maiorías absolutas dende que acadou por primeira vez a alcaldía con tan só 24 anos.
Titulares:
1. Elena Candia. 45 anos. Avogada. Vicepresidenta primeira do Parlamento de Galicia na última lexislatura e voceira do Grupo Municipal do Partido Popular no Concello de Lugo.
2. Javier Arias Fouz. 46 anos. Avogado. Actual delegado da Xunta de Galicia en Lugo.
3. Alfonso Villares. 53 anos. Veterinario. Actualmente conselleiro do Mar e ex alcalde de Cervo dende 2007 ata xuño de 2023.
4. Cristina Sanz. 53 anos. Economista. Concelleira do Partido Popular no Concello de Lugo e deputada no Parlamento de Galicia na última lexislatura, ocupando nos últimos meses a portavocía de Facenda.
5. José Manuel Mato. 69 anos. Ex alcalde de Paradela con 12 maiorías absolutas.
6. Raquel Arias. 57 anos. Xornalista. Concelleira do Partido Popular no Concello de Sober e actualmente vicevoceira no Parlamento de Galicia.
7. José Manuel Balseiro. 61 anos. Concelleiro do Partido Popular no Concello de Cervo e deputado no Parlamento de Galicia dende 2005.
8. Enrique Barreiro. 34 anos. Licenciado en Administración e Dirección de Empresas. Tenente de Alcalde no Concello de Friol.
9. Encarna Amigo. 66 anos. Reumatóloga no Hospital Lucus Augusti (HULA). Concelleira do Partido Popular no Concello de Cervantes e deputada no Parlamento de Galicia nas últimas dúas lexislaturas.
10. Nicole Grueira. 22 anos. Estudante de Ciencias Políticas. Concelleira do Partido Popular no Concello de Pol e presidenta de Novas Xeracións de Galicia.
11. Katherinie Varela. 42 anos. Avogada. Concelleira do Partido Popular en Monforte de Lemos e deputada no Parlamento de Galicia na última lexislatura.
12. José Luis Novo. 66 anos. Tenente de Alcalde de Rábade.
13. Alicia López. 44 anos. Técnico agrícola. Concelleira do Partido Popular en Palas de Rei.
14. Pablo Figueiras. 49 anos. Avogado. Voceiro do Partido Popular no Concello de Castroverde.
Suplentes:
1. Aurora Aida Goás. 61 anos. Médico de Medicina Xeral. Concelleira do Partido Popular no Concello de Lugo.
2. José Fernández Carrete. 50 anos. Bombeiro forestal. Voceiro do Partido Popular no Concello de Becerreá.
3. Miguel Ángel Fernández. 45 anos. Profesor de autoescola. Tenente de Alcalde de Baleira.
4. Saray Ventura. 29 anos. Economista. Concelleira do Partido Popular no Concello de Viveiro.
5. Verónica Soto. 51 anos. Empregada xubilada do sector da banca. Concelleira do Partido Popular no Concello de Foz.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
