O PP subliña que “esta intervención demostra a aposta pola educación pública e a mellora destas instalacións”, mentres que “o goberno local do que forma parte o BNG non atende ás súas competencias: seguen tirados restos de chapas arrancados polo vento do pavillón”
O Valadouro, 16 de febreiro de 2024. O PP do Valadouro condena que “o BNG difunda bulos sobre a obra que está en execución no colexio de Santa María co único fin de tratar de confundir á comunidade educativa, a pesar de que todo o mundo ve que a obra está en marcha”. De feito, a intervención que supón un investimento de 328.000 euros está en execución e prevé rematarse este mes de febreiro.
A este respecto, o PP do Valadouro lamenta “o xogo sucio do BNG local” que a través da redes difundiu fotografías do colexio Santa María do Valadouro insinuando que a Xunta non ten vontade de melloralo, tal e como prometera. “Nada máis lonxe da realidade. A obra está en execución desde o Nadal”, subliña o portavoz, José Manuel Lamela.
O PP aclara que a obra está en execución, en prazo, e o único que resta por completar é ese patio porque se encargaron materiais específicos para a zona que están pendentes de recibir. En todo caso, rematará antes de que finalice este mes de febreiro.
OBRAS
A Xunta de Galicia licitou o pasado mes de xullo do 2023 a obra de mellora do colexio do Valadouro que foi adxudicada no pasado mes de outubro. E ao longo destes meses fóronse executando as distintas fases dos traballos “adaptándoos para causar a menor interferencia posible co actividade habitual do centro”.
A intervención consiste no cambio das cubertas dos soportais situados no acceso ao colexio e no patio; así como a da zona de despachos. Ademais, das carpinterías exteriores e as luminarias por equipos LED de menor consumo; e a instalación de de falsos teitos. E a pintura das zonas afectadas polas obras.
COMPROMISO DA XUNTA, DESPREOCUPACIÓN DO CONCELLO
O PP subliña que “esta intervención demostra a aposta pola educación pública e a mellora das instalacións dos centros de ensino dos concellos pequenos. E que, en canto rematen as obras, o colexio Santa María do Valadouro quedará en boas condicións para o seu uso por parte do alumnado e da comunidade educativa”.
Pola contra, “o goberno local do que forma parte o BNG non se está a preocupar polas competencias que son do Concello”. Dende a borrasca que afectou á comarca a pasada semana, “aínda non recolleron os restos de chapas que o vento arrancou do pavillón. Iso si que supón un perigo para os rapaces e rapazas”, indica Lamela.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
