Barreiros, 3 de marzo, 2024. San Miguel de Reinante, en Barreiros, celebrou este domingo a feira de gando de San Rosendo, que a Comisión de Festas de San Rosendo recuperou o ano pasado co apoio da área de Rural da Vicepresidencia da Deputación de Lugo, retomando a tradición gandeira das festas.
Ganderías da comarca da Mariña e do occidente asturiano participaron na feira -con exemplares de gando vacún, cabalar e caprino -, no certame morfolóxico de Pura Raza Galega e nas carreiras de cabalo marchador galego que se celebraron ao longo da xornada, que contou tamén cun mercado de artesanía e animación musical.
CONCURSO MORFOLÓXICO CABALAR DE PURA RAZA GALEGA
•Eguas: 1º premio Galaxia de Juan Paz Paz ; 2º premio Lola de Rúa de Juan Paz Paz, 3º premio Lenda do Couto de Fernando Groba
•Sementais: 1º premio Khalifa de José M Pardo Reigosa; 2º premio Domingo de Boimente de Adrián Mariño, 3º premio Vexeta de Ruben Bello Basanta
•Poldros: 1º premio Cumbia de Rúa de Albá Boanco; 2º premio Cereixa de Lourenzá de Diego Terron, 3º premio Raiana do Couto de Fernando Groba Bouza
CONCURSO MORFOFUNCIONAL DE POLDROS CABALO MARCHADOR GALEGO
•1º premio Verania de Anceis de Ángel Seoane Iglesias; 2º premio Alecrín de Rúa de Senén Rega, 3º premio Diamante Danceis de Daniel Seoane
MELLOR EXEMPLAR CABALAR NON PURA RAZA GALEGA
•Eguas: 1º premio Triana de Ana Acevedo; 2º premio Morita de Maria Isabel Reigosa, 3º premio Brisa de Alberto Garcia
•Sementais: 1º premio Baldomero de José Manuel Marrube Garcia; 2º premio Argo RDG de Diego Freire Yanes, 3º premio Little Visuais de Óscar Otero
•Poldros : 1º Fresita (Fillo de Morita) de María Isabel Reigoso
MELLOR EXEMPLAR BOVINO DE PURA RAZA GALEGA
•Vaca raza cachena: 1º premio Fernando Lopez; 2º premio Marco Vázquez Lopez
•Vaca raza caldelá: 1º premio Alejandro Salvatierra; 2º premio Alejandro Salvatierra
•Vaca raza frieiresa: 1º premio e 2º premio Gonzalo Seoane
•Vaca raza limiá: 1º premio e 2º premio David Lopez
•Vaca rubia galega: 1º premio David Lopez; 2º premio Gonzalo Seoane
MELLOR BURRO FARIÑEIRO: Dinamita de Antonio Aradas Regueira
MELLOR LOTE CAPRINO: Diego Vidal Rey
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
