Burela, 27 de marzo, 2024. A Organización de Produtores Pesqueiros do Porto de Burela acaba de presentar o primeiro informe técnico do proxecto ISPAMER, dirixido polo Centro Oceanográfico de Vigo (IEO-CSIC) e que demostra o nulo impacto do palangre da pescada nos fondos mariños.
O estudo realizouse sobre a frota de Palangre de Fondo en augas europeas da OPP Burela co obxectivo de obter datos científicos para estudar a selectividade da arte e medir o posible impacto desta arte de pesca no fondo mariño de augas europeas, onde realiza a súa actividade esta frota. Algúns destes fondos foron afectados polas 87 vedas decretadas no Regulamento de Execución (UE) 2022/1614, que prohibiu a pesca de todas as artes de fondo. Precisamente a falta de datos científicos foi un dos principais argumentos do recurso xudicial presentado desde a OPP Burela contra a Comisión Europea.
O deseño metodolóxico foi desenvolto coa dirección científica dos investigadores do equipo PESCASOST do IEO e en estreita colaboración con armadores e técnicos da OPP de Burela. O obxectivo do proxecto ISPAMER é obter evidencia científica para aclarar se existe impacto desta pesquería no fondo mariño utilizando dúas fontes de información complementarias: observadores a bordo dos buques e observadores electrónicos. As mostraxes de múltiples mareas de pesca permiten coñecer se o palangre ten algún impacto sobre a fauna de invertebrados do leito mariño que forman parte dos chamados “Ecosistemas Mariños Vulnerables”.
Os resultados obtidos indican que o palangre utilizado pola frota burelense é un palangre demersal ou semipelágico tipo “pedra-bóla” que está dirixido á pescada adulta e ten contacto moi reducido co fondo mariño. En 2024, continuarase a mostraxe para clarificar se este sistema de pesca pon ou non en risco a conservación dos fondos e con eles solicitar unha exención na norma que permita a pesca nas áreas vedadas, como ocorre con outras artes de pesca de tipo pelágico.
A Administración pesqueira española felicitou a todo o equipo que forma parte do proxecto ISPAMER: desde o IEO, os observadores e os armadores e patróns, que unha vez máis entenderon a necesidade desta colaboración como un exercicio necesario e que ofrece novos resultados que poderán ser utilizados na defensa desta pesquería.
O director científico do proxecto, Julio Valeiras (equipo PESCASOST-IEO), recoñece que “supuxo un esforzo importante da OPP7 e do equipo de observadores a bordo e analistas de vídeo implicados para obter a primeira aproximación con datos de observación científica da captura accidental e impacto do palangre de pescada sobre os fondos en caladoiro comunitario. Utilizamos de forma simultánea observadores a bordo e seguimento electrónico, o que permitiu realizar unha cobertura ampliada e datos específicos de especies bentónicas”.
O traballo realizouse durante o cuarto trimestre de 2023 ao longo de 15 mareas e 159 lances ou días de pesca observados en sete buques da OPP Burela. En catro deles fíxose observación física a bordo e nos outros tres a observación foi electrónica. En 2024 continúase o desenvolvemento do proxecto coa mesma metodoloxía.
Desde a páxina web de www.oppburela.com pódese descargar un resumo do proxecto para divulgar o seu contido, que resulta de gran interese para esta frota xa que non existen estudos anteriores sobre esta modalidade de pesca.
Este proxecto está incluído no Plan de produción de OPP Burela de 2023 co obxectivo de mellorar o coñecemento e reducir o impacto ambiental na pesca, a través de medidas para mellorar a selectividade das artes de pesca, mediante a preparación e realización de programas experimentais para desenvolver artes de pesca con menor impacto ambiental, e conta con axuda da Xunta de Galicia e Fondo Europeo Marítimo, de Pesca e de Acuicultura (FEMPA).
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
