Carlos López Font defende a preservación do litoral cunha xestión responsable e equilibrada dos recursos fronte á norma da Xunta “ancorada no desenvolvismo” que quere “encher a costa de cemento”
Santiago de Compostela, 1 de abril de 2024. O portavoz de Ordenación do Territorio do Grupo Socialista, Carlos López Font, acusou hoxe á Xunta de provocar unha confrontación “populista e irresponsable” aprobando unha Lei do Litoral deliberadamente inconstitucional. Replicou ás críticas do PP desta fin de semana reivindicando unha xestión responsable e equilibrada dos recursos mentres o goberno galego escolle o “comportamento populista e irresponsable, provocando unha inseguridade xurídica que acaban pagando os cidadáns galegos”.
Defendeu a preservación do litoral e a compatibilidade sostible dos usos en beneficio da sociedade mentres o goberno galego continúa “ancorado no desenvolvismo de mediados do século XX. Criticou que antepoñan o negocio económico a calquera consideración ambiental, facendo dogma do “todo urbanizable” de Aznar co que queren “encher a costa galega de cemento”, desprezando o valor ambiental das costas.
O goberno galego, engadiu, prefire darlle barra libre aos intereses privados para actuar sobre o patrimonio común en beneficio duns poucos, cando Galicia si que dispón de alternativas para asumir a competencia de xestión do litoral “sen saltarse ás bravas a Constitución nin ir pola porta traseira”. Explicou que a Xunta optou pola vía unilateral, actuando á marxe da legalidade sobre un asunto que nos 7 anos de Rajoy non estaba sobre a mesa nin producira unha soa reclamación.
Á actuación do goberno galego evidencia a dobre vara de medir do PP, que de palabra asegura defender a Constitución, a igualdade dos españois e preservar a integridade do Estado, pero “cos seus feitos fan exactamente o contrario”. Explicou que a Lei da Xunta “vulnera abertamente a Constitución, rompe coa igualdade e menoscaba o dominio público estatal sobre a zona marítimo terrestre”.
Trátase dunha Lei “marca PP”, aprobada no Parlamento de Galicia o pasado 6 de xullo cos únicos votos do PP, tramitada “a fume de carozo e sen apenas debate, coa única intención de instrumentalizala con fins electorais”. Criticou que “aprobaron unha Lei que sabían que é inconstitucional e xerando unhas expectativas que saben perfectamente que non van poder cumprir”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
