O mal estado das vías provinciais ou a falta de apoio para favorecer a creación de emprego e asentamento de poboación son algunhas das queixas dos veciños e veciñas
Riotorto, 20 de maio de 2024. Os deputados do Partido Popular na Deputación de Lugo trasladaron á comarca de Meira unha das reunións que realizan de xeito periódico polas distintas zonas da provincia. Nesta ocasión, visitaron Riotorto para poñer en valor este territorio entre A Mariña interior, a Terra Chá e a montaña; ademais de coñecer máis de preto as necesidades dos veciños e veciñas co obxectivo de trasladalas ante o goberno provincial. “É fundamental estar a carón dos lucenses”, subliñan os populares.
O portavoz, Antonio Ameijide, subliña que “o Partido Popular é o partido maioritario na corporación provincial, ademais de ser o que máis se parece aos lucenses”. Nese sentido, “seguiremos dando traslado das necesidades, suxestións ou queixas dos veciños e veciñas da provincia ante as distintas administracións e, no noso caso, ante a Deputación de Lugo”.
Un dos motivos polos que os veciños e veciñas trasladan as súas queixas é o mal estado da rede viaria provincial que dificulta o desenvolvemento da vida diaria dos lucenses e tamén lastra o desenvolvemento do territorio. Pero a isto hai que sumar “a absoluta falta de interese do goberno de Tomé, PSOE e BNG por impulsar solo industrial no que asentar empresas coas que crear postos de traballo. Socialistas e nacionalistas néganlle á provincia a posibilidade de desenvolverse e asentar poboación”.
Un claro exemplo é o polígono de Riotorto. O Concello e a extinta Sociedade Urbanística Provincial de Lugo (SUPLUSA) tiñan asinado un convenio para a súa creación e, despois do traballo de anos por parte do Concello que ten aprobado o proxecto de urbanización dende novembro do 2019, o goberno provincial négase a apoialo para facer realidade a creación de solo industrial no municipio.
“Tomé rexeitou claramente apoiar este polígono” segundo se desprende da carta dirixida ao alcalde en novembro do 2019 propoñendo que o Concello dirixira os fondos do Plan Único – agora Plan Deputación- para esta finalidade; o que suporía unha clara discriminación ao municipio que non podería levar a cabo ningún outro tipo de actuacións para as que está dirixido este plan”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
