Os populares instarán ao goberno provincial a realizar o mantemento das estradas provinciais ao seu paso por Riotorto e a que se realicen as melloras oportunas no Pazo Provincial dos Deportes de Lugo para renovar os sistemas de climatización e de soporte audiovisual, así como estudar a posibilidade de aumentar o aforo do recinto
Lugo, 27 de maio de 2024. Os deputados do Grupo Provincial Popular defenderán no pleno de mañá que a Deputación de Lugo cumpra cos seus compromisos e obrigas e active os mecanismos necesarios para dar asistencia aos maiores da provincia e para xerar economía e emprego e así favorecer o asentamento de poboación.
Neste senso, os populares esixirán o impulso dos trámites e xestións pendentes para iniciar de forma inmediata a construción do centro de atención a maiores de Folgoso do Courel. “É de xustiza que os veciños de Folgoso do Courel dispoñan deste servizo comprometido en 2015 polo goberno do Partido Popular, pero que, 9 anos despois, está paralizado; a pesar de que o Concello cumpriu coas obrigas adquiridas no convenio asinado coa Deputación de Lugo en agosto do 2018”, sinalaron.
“O último que puidemos saber sobre os avances para facer realidade a construción e posta en servizo deste centro foi en decembro do 2022 cando o goberno provincial trasladou nunha reunión coa alcaldesa a necesidade de revisar os prezos recollidos no proxecto para evitar que quedase deserta a licitación, como ocorreu noutros casos. Pero dende aquela tiveron tempo suficiente para revisar eses prezos”, explicaron, pero “non houbo novos avances e a data límite para a licitación, remate e recibimento das obras é o 26 de xullo de 2025”, segundo se recolle na segunda addenda ao convenio, polo que “urxe avanzar no procedemento para dar cumprimento a un compromiso adquirido formalmente entre dúas administracións”.
Tamén defenderán os populares unha iniciativa para crear dende a Deputación de Lugo un Plan de Impulso para a Ribeira Sacra. “No Partido Popular sabemos do potencial e das posibilidades desta zona da provincia e vemos necesario potenciar os seus recursos para dar solución aos retos actuais do sector turístico e vitivinícola en colaboración con outras administracións”.
“A Deputación ten un papel fundamental para poder afrontar estes retos, apoiando aos municipios da Ribeira Sacra, escoitando e dando solucións aos produtores e buscando apoios de todas as administracións afectadas como a Xunta de Galicia, o Goberno Central ou a Confederación Hidrográfica”, ao que engaden que “a Deputación non pode quedar atrás de novo sendo a única administración que non fai nada ao respecto dun proxecto vital como este para a provincia”.
ROGOS E PREGUNTAS
Os deputados populares tamén preguntarán no pleno se o goberno provincial ten pensado actualizar ou renovar os catamaráns que percorren a Ribeira Sacra para facelos máis sostibles e mellorar o seu servizo e se o goberno provincial ten pensado instar á Xerencia do Consorcio Provincial de Bombeiros a realizar as actuacións de mellora necesarias no parque de Barreiros así como atender as peticións destes profesionais para solucionar as deficiencias no material e nos vehículos.
Por outra banda, tamén se instará ao goberno provincial a realizar o mantemento das estradas provinciais ao seu paso por Riotorto e a que se realicen as melloras oportunas no Pazo Provincial dos Deportes de Lugo para renovar os sistemas de climatización e de soporte audiovisual, así como estudar a posibilidade de aumentar o aforo do recinto.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
