As Pontes, 5 Xullo, 2024. O home pedaleaba unha embarcación coa súa dona, que o perdeu de vista tras tirarse a auga para nadar.
Eran as 16:45 horas desta tarde cando un alertador contactou co 112 Galicia para indicar que unha muller chegara ao areal, en Vilavella, nas Pontes de García Rodríguez, nunha embarcación de pedales pedindo axuda. O seu marido botárase a auga para nadar e perdérao de vista. Nese mesmo intre, outra persoa particular informaba aos xestores de emerxencias que un home pedía auxilio no Lago das Pontes, onde a praia do Lago, ao carón do Club Náutico. Aseguraba que había xente que trataba de axudalo pero que non podían.
Desde o 112 Galicia ademais de poñer en aviso ao Servizo de Urxencias Sanitarias de Galicia-061, púxose, decontado, a situación en coñecemento dos Bombeiros do Eume, da Garda Civil, da Policía Local e dos efectivos da Agrupación de Voluntarios de Protección Civil da localidade.
Así, tras a busca pola zona co distinto material acuático que os servizos de emerxencias desprazaron ao punto, finalmente, o corpo do home foi localizado e rescatado polos Bombeiros e polos efectivos de Protección Civil.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
