Nota de Prensa
O BNG CONVOCA UNHA REUNIÓN PARA TRATAR O TEMA DO CENTRO RESIDENCIAL DE DÍA
“Ninguén se ten que sentir excluído, pois temos que remar todos na mesma dirección” declara Basanta
Foz, a 15 de outubro de 2010.- O BNG vai a convocar a todas as organizacións políticas e sociais do Concello de Foz a unha xuntanza para o próximo sábado, día 23 de outubro, ás 18:00 horas na Casa da Cultura de Foz para tratar o tema da Residencia para Foz.
A construcción dunha Residencia con Centro de Día é unha vella reivindicación do pobo de Foz. Unha reivindicación xusta porque existe unha gran demanda de prazas das que hoxe o Concello de Foz non conta e que provoca que moitas persoas teñan que desprazarse a outros centros xeriátricos situados noutras localidades ou nalgúns casos quedarse sen a atención debida. Hai que reiterar, di o portavoz municipal, Xan Carlos González Basanta, a circunstancia de que “Foz é o único pobo da Mariña de certa entidade que non conta con Centro de Día, o que resulta incomprensible”.
A posta en marcha deste servizo suporía a creación de moitos postos de traballo nun momento de destrucción progresiva de emprego na nosa comarca, desde administrativos, ordenanzas, coidadoras/es, persoal de limpeza, de mantemento e de cociña, enfermeiros/as, e todas aquelas prazas que teñen relación cos servizos sociosanitarios. Ademais, a dotación en Foz desta infraestructura melloraría de forma substancial a calidade de vida, non só dos futuros usuarios, senón daquelas persoas que os coidan actualmente posto que lles daría a posibilidade de organizar mellor a súa vida.
Con esta reunión, o BNG pretende buscar o consenso máis amplo posible para atopar a forma máis axeitada e rápida de facer realidade esta demanda social. Por iso, a convocatoria está aberta a toda a veciñanza, tanto ás asociacións como aos particulares, porque todos somos necesarios nesta empresa.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
